अभिनेत्री तन्वी मुंडले ऊर्फ कावेरीचे वेड लावणारे लुक्स, चाहत्यांना केले घायाळ

कॅज्युअल लुक

तन्वी मुंडले मालिकेत नेहमीच साडीमध्ये दिसून येते. गावाकडची, सालस, सुंदर आणि भोळी अशी कावेरी ही ओळख घराघरात तिला मिळाली आहे. मात्र तन्वी आपल्या चाहत्यांसाठी अनेकदा फोटोशूट करत असते. तन्वीचा हा कॅज्युअल लुक तुम्हाला कोणत्याही पार्टीसाठी करता येईल. नो मेकअप लुक आणि वेस्टर्न वेअरमध्ये तन्वी खूपच सुंदर दिसत आहे. तसंच तिचा हा ग्लॅमरस आणि ग्लोरियस लुक चाहत्यांनाही आवडला आहे. असा लुक कोणत्याही पार्टीसाठी अथवा कॉर्पोरेट, ऑफिसमध्येही तुम्हाला उपयोगी ठरू शकतो.

पार्टी गाऊन

पेस्टल रंगाच्या या पार्टी गाऊनमध्ये तन्वीचे सौंदर्य खुलून आले आहे. घरातील समारंभ असो अथवा कोणत्याही लग्नामध्ये अशा पद्धतीच्या पारंपरिक आणि आधुनिक असा मेळ असणारा हा पार्टी गाऊन तुम्हाला नक्कीच ग्लॅम देऊ शकतो. तन्वीने अशा गाऊनसह सौम्य मेकअपचा वापर केला आहे. मात्र तुम्हाला हवं असेल तर तुम्ही ग्लॉसी मेकअपही करू शकता. पेस्टल रंग असल्यामुळे यासह न्यूड मेकअप अथवा गडद मेकअप दोन्ही उठावदार दिसतात. रफल स्टाईलचा हा पार्टी गाऊन तन्वीच्या सौंदर्यात भर घालताना दिसून येत आहे.

(वाचा -Bigg Boss Marathi 4: तेजस्विनी लोणारीचा जलवा, फॅशन सेन्सने केले चाहत्यांना घायाळ! खेळ आणि सौंदर्याने जिंकले मन)

वनपिस ड्रेस

कॉटनचे वनपिस हे सध्या ट्रेंडमध्ये आहेत. तन्वीने असा कॉटनचा वनपिस घातलेला दिसून येत आहे. अत्यंत साधेपणा जपत तरीही ग्लॅम लुक तन्वीचा दिसून येत आहे. तिच्या या फोटोमध्ये तिचा अवखळपणाच फॅशनमध्ये उतरलेला दिसून येत आहे. याशिवाय तन्वीने हेअरस्टाईल थोडी वेगळी केली असल्यामुळे तिच्या गोल चेहऱ्याला अधिक झळाळी आली आहे. हेअरस्टाईल आणि ड्रेस याचं परफेक्ट कॉम्बिनेशन असून तुम्हालाही एखाद्या पार्टीला अथवा अगदी ऑफिसमध्येही अशी स्टाईल कॅरी करता येऊ शकते. यासह केवळ आयलायनर, लिपस्टिक, मस्कारा लाऊन तुम्ही तुमचा लुक पूर्ण करू शकता.

(वाचा – वादग्रस्त लावणीक्वीन गौतमी पाटीलची फॅशनही ठरतेय सेन्सेशन, इंटरनेटवर घातलेय धुमाकूळ)

लेग कट ड्रेस

तन्वीला नेहमीच साडीमध्ये पाहिल्यानंतर सर्वात पहिल्यांदा तिचा हा लुक वेगळाच वाटतो. मात्र हा लेग कट ड्रेस अत्यंत मनमोहक आणि तितकाच ग्लॅम असून तन्वीच्या सौंदर्यात भर घालत आहे. याचा गडद रंग तिच्या फॅशनची टेस्ट नक्कीच दाखवून देत आहे. कोणत्याही पुरस्कार सोहळ्यात अथवा ग्लॅम पार्टीमध्ये तुम्ही अशा पद्धतीचा ड्रेस घालून जाऊ शकता. तन्वीने यासह दागिने घातलेले नाहीत. त्यामुळे केवळ तिच्या ड्रेस आणि चेहऱ्याकडे लक्ष वेधले जात आहे. मिनिमल ड्रेसिंगसह ग्लॅम दिसता येते हेच तन्वीने दाखवून दिले आहे.

(वाचा – अभिनेत्री अंकिता लोखंडेच्या साडीतील अदा, नजरच हटणार नाही असं आरस्पानी सौंदर्य)

रिप्ड जीन्स, टी-शर्ट आणि जॅकेट

बरेचदा बाहेर जाताना पटकन काय घालून जायचे आणि फॅशनेबल दिसण्यासाठी काय करायचं असा प्रश्न असतो. पण तन्वीची ही स्टाईल त्यावरचं सॉल्युशन आहे. रिप्ड जीन्स, टी-शर्ट आणि जॅकेट ही स्टाईल कधीच जुनी होत नाही आणि आऊट ऑफ फॅशनही होत नाही. तन्वीची ही स्टाईल लक्षवेधी आहे. साधी असली तरीही अत्यंत ग्लॅम अशी ही स्टाईल जेन-झी ला नक्कीच आवडणारी आहे. यासह गळ्यात तन्वीने ऑक्सिडाईज्ड नेकलेस घालून लुक पूर्ण केला आहे. अशी स्टाईल करताना जर नेकलेस घालणार असाल तर कानातले घालण्याची गरज नाही.

कावेरी म्हणून तन्वीची व्यक्तिरेखा सध्या खूपच ट्रेंडिंग आहे. पण मालिकेच्या बाहेर तन्वी म्हणून तिची फॅशनही अप्रतिमच आहे. तन्वीचे अनेक फॉलोअर्स आहेत. त्यांच्यासाठी नक्कीच ही प्रेरणा ठरते.

(फोटो क्रेडिटः Instagram)