“आता लग्न झाल्यानंतर…”, फरहान अख्तरने केला शिबानी दांडेकरसोबतच्या नव्या नात्याबद्दलचा खुलासा | Actor Farhan Akhtar Talk About His Second Marriage And Wife Shibani Dandekar nrp 97

या मुलाखतीत फरहानला लग्नानंतर शिबानीसोबतच्या नात्यात काही फरक जाणवतो का? असा प्रश्न विचारण्यात आला होता. तेव्हा तो म्हणाला, “मला काही वेगळं वाटतंय की नाही, याची मला माहिती नाही. पण शिबानी आणि मी गेल्या अनेक वर्षांपासून एकत्र आहोत. आता लग्न झाल्यानंतर आम्ही आमच्या नात्यावर एक अधिकृत शिक्कामोर्तब केले आहे. पण आमचे नाते हे फारच वेगळे आहे. आम्ही डेट करायला सुरुवात केल्यापासून आम्हाला याची जाणीव होत गेली. त्यानंतर आता आम्ही त्या नात्याला एक वेगळ्या पातळीवर नेले. त्यामुळे हे फार छान वाटतं.

दरम्यान नुकतंच शिबानीनेही एक पोस्ट शेअर करत फरहानशी लग्न का केलं याचा खुलासा केला आहे. इन्स्टाग्राम स्टोरीवर एक पोस्ट शेअर करताना शिबानीनं फरहानशी लग्न करण्याचं कारण सांगितलं. तिने लिहिलं, ‘तुमची वहिनी होण्यासाठी मी फरहानशी लग्न केलं.’ शिबानीची ही पोस्ट सोशल मीडियावर बरीच चर्चेत होती.