प्रतीक्षा संपली, तारीख ठरली…! ७५ दिवसानंतर ‘सरसेनापती हंबीरराव’ येणार प्रेक्षकांच्या भेटीला |Pravin Tarde historical film Sarsenapati Hambirrao to release date reveled nrp 97

हिंदवी स्वराज्याचे संस्थापक छत्रपती शिवाजी महाराज आणि छत्रपती संभाजी महाराज यांचे सरसेनापती होण्याचा बहुमान मिळविणारे हंबीरराव मोहिते यांची ख्याती अख्ख्या महाराष्ट्राला माहित आहे. त्यांचा हाच जीवनप्रवास लवकरच रुपेरी पडद्यावर उलगडला जाणार आहे. चित्रपट दिग्दर्शक, अभिनेता प्रविण विठ्ठल तरडे हे हंबीरराव मोहिते यांच्यावर आधारित चित्रपट प्रेक्षकांच्या भेटीला घेऊन येत आहेत. नुकतंच त्यांनी या चित्रपटाच्या प्रदर्शनाची तारीख जाहीर केली आहे.

लेखक, दिग्दर्शक प्रविण विठ्ठल तरडे यांचा बहुप्रतिक्षित आणि बहुचर्चित ‘सरसेनापती हंबीरराव’ हा चित्रपट लवकरच प्रेक्षकांच्या भेटीला येणार आहे. या ऐतिहासिक चित्रपटाची घोषणा केल्यापासूनच चाहत्यांमध्ये उत्सुकता पाहायला मिळत आहे. नुकतंच प्रविण तरडे यांनी इन्स्टाग्रामवर एक पोस्ट शेअर केली आहे.