Russia Ukraine War: अमेरिका कॅनडातील वाइन शॉप्सनी व्होडकावर काढला राग; ओतून रिकाम्या केल्या बाटल्या

Russia Ukraine War: युनायटेड स्टेट्स आणि कॅनडामधील अनेक दारूच्या दुकानांनी गुरुवारपासून युक्रेनवरील रशियन आक्रमणाच्या निषेधार्थ रशियन व्होडकाचा साठा काढून घेतला आहे. दारूचे दुकान आणि बार मालक वोडकाच्या बाटल्या रिकाम्या करताना आणि कपाटातील साठा काढून घेत असल्याचे व्हिडीओ सोशल मीडियावर समोर आले आहेत.

यूएसच्या गव्हर्नरांनी – ओहायो, न्यू हॅम्पशायर, ओहायो आणि पेनसिल्व्हेनिया – सरकारने चालवल्या जाणार्‍या दारूच्या दुकानांना रशियन वोडका आणि डिस्टिल्ड स्पिरिटची ​​विक्री थांबवण्याचे आदेश दिले होते आणि रशियाने देशावर केलेल्या आक्रमणानंतर युक्रेनशी एकता दाखवली होती.

(हे ही वाचा: Viral: सोने तस्करीचा फॅशनेबल प्रयत्न; बुरख्यालाच सोन्याचे मणी लावून भारतात आली पण…)

ओहायोचे गव्हर्नर माईक डेवाइन यांनी ट्विट केले, “आज मी ओहायो कॉमर्सला रशियन स्टँडर्डने बनवलेल्या सर्व वोडकाची खरेदी आणि विक्री दोन्ही थांबवण्याचे निर्देश दिले, ही एकमेव परदेशी, रशियन मालकीची ओहायोमध्ये विकली जाणारी वोडका असलेली डिस्टिलरी आहे. रशियन स्टँडर्डचा व्होडका ग्रीन मार्क वोडका आणि रशियन स्टँडर्ड व्होडका या ब्रँड नावाने विकला जातो.”

(हे ही वाचा: शिवसेना कार्यकर्त्याचा व्हिडीओ व्हायरल! दोन मिनिटं सोडवत होते मास्कचे गणित)