१०० कोटीच्या आसपास आहे घराची किंमत, असे आहे सलमान खानच्या घराचे इंटिरिअर

फॅन्सी वॉल पेंटिंगने भरले आहे सलमानचे घर

सलमान एक उत्तम अभिनेता आहे. पण त्यासह तो उत्तम पेंटिंग काढतो हेदेखील सर्वांना माहीत आहे. २५ वर्षांपेक्षा अधिक काळ सलमानने इंडस्ट्रीमध्ये काम केले आहे. सलमान नेहमीच आपल्या पेंटिंगने सर्वांना भारावून टाकतो. सलमानचे घरदेखील पेंटिंगने भरलेले आहे. त्याच्या लिव्हिंग रूमपासून ते बेडरूमपर्यंत सगळीकडे वेगवेगळ्या प्रकारचे आणि पद्धतीचे पेटिंग्ज दिसून येतात. त्याच्यातील कलागुणांना मिळालेला वाव हा त्याने आपल्या घरात त्या पेंटिंग्जचे फ्रेम्स लाऊन पूर्ण केले आहेत. कामातून वेळ मिळाल्यावर सलमान अनेकदा पेंटिंग करताना दिसून आला आहे आणि त्यापैकी अनेक पेटिंग्ज हे त्याने घराचे इंटिरिअर करण्यासाठी वापरले आहे.

पेटिंगने भरलेले घर

सलमान खानचे भव्य भोजनघर

सलमानच्या घरामध्ये अनेक लोक राहतात. आजही सलमान याच घरामध्ये राहतो. सलमानच्या घरातील माणसांची संख्या आणि येणारे जाणारे पाहुणे यांना नेहमीच शाही दावत असते. सलमानचे स्वयंपाकघर हे एल आकाराचे असून ओपन किचन आहे. आपल्या विशाल आणि मोठ्या डायनिंग टेबलवर कुटुंबासह जेवणाचा आस्वाद घेणे सलमानला आवडते. सर्वांना एकत्र बसता यावे अशा पद्धतीचे इंटिरिअर सलमानच्या स्वयंपाकघराचे करण्यात आले आहे. त्याशिवाय सलमानला आणि त्याच्या आई-वडिलांना आवडणाऱ्या सर्व पदार्थांची इथे विशेष काळजी घेतली जाते. सर्वात महत्त्वाचे म्हणजे सर्व कुटुंब आणि मित्रपरिवार एकत्र बसून जेऊ शकेल अशा पद्धतीने यावर काम करण्यात आले आहे.

(वाचा -घरात खेळती हवा राहण्यासाठी असे सजवा घर, सिद्धार्थ-मितालीचा घ्या आदर्श)

सलमानच्या घराची लिव्हिंग रूम डिझाईन

चांगला सूर्यप्रकाश घरात येण्यासाठी दरवाजे आणि खिडक्यांना गडद रंग देण्यात आला आहे. याशिवाय घरामध्ये जास्तीत जास्त प्रकाश आणि सकारात्मकता राहील अशा पद्धतीने लाईट्सचे व्यवस्थापन करण्यात आले आहे. तसंच लिव्हिंग रूममधील सोफा आणि डायनिंग टेबल यांना वूडन फर्निचरने सजविण्यात आले असून घरात मोठ्या वासने सजावट करण्यात आली आहे. यामध्ये बरेचदा घरात पार्टी चालू असताना सलमानच्या घरातील इंटिरिअर प्रकर्षाने दिसून येते. सलमान अनेकदा आपल्या घरातील व्हिडिओ सोशल मीडियावर पोस्ट करत असतो. विशेषतः आपल्या भाचवंडांसह आणि पुतण्यांसह मस्ती करताना सलमानच्या लिव्हिंग रूममधील इंटिरिअर दिसून येते.

(वाचा -कमी खर्चात करा घराचा मेकओव्हर, इंटिरिअर डिझाईनचा येईल लुक)

बाल्कनीमधील साधे पण आकर्षक इंटिरिअर

समुद्रकिनारी घर असल्यामुळे घरात येणाऱ्या सूर्याच्या प्रकाशापासून संरक्षण व्हावे यासाठी सलमानच्या बाल्कनीमध्ये नेहमी लाकडी पद्धतीचा पडदा लावण्यात आलेला असतो. आपल्याला हवं तेव्हा वरखाली करून सलमान इथे आपल्या चाहत्यांना भेटायला येतो. बाल्कनीमध्येही इनडोअर प्लांट्स आणि काही खास वस्तूंचा वापर करून इंटिरिअर करण्यात आले आहे. सलमान आपल्या आई-वडिलांसह बऱ्याचदा इथे वेळ घालवताना दिसतो.

(वाचा -घराला द्या भारतीय टच, वापरा या सोप्या टिप्स)

सलमानची बेडरूम

सलमान आपल्या आई-वडिलांसह इथे अनेक वर्ष राहात आहे. पहिले केवळ १ बीएचके इतकेच लहान घर होते. मात्र आता सलमानने इथे अजून एक फ्लॅट घेतल्याचे सांगण्यात येते. गॅलेक्सीमध्ये सर्व आठवणी असल्यामुळेच इतर कुठेही बंगला घेण्याचा आपला विचार नसल्याचे अनेकदा मुलाखतीमध्ये सलमानने स्पष्ट केले आहे. अत्यंत साधी आणि एका बेडची व्यवस्था आपल्या बेडरूममध्ये असल्याचेही सलमानने सांगितले आहे. अत्यंत साधे राहणीमान ठेवणे सलमानला आवडत असल्यामुळे त्याने बेडरूममध्येही जास्त भपका न ठेवता अत्यंत सामान्य माणसांप्रमाणेच इंटिरिअर केले आहे. सलमानचे हे घर त्याच्या कुटुंबीयांनी आणि मित्रमैत्रिणींच्या सहवासाने कायम भरलेले असते.

सलमान खानने आयुष्यात अनेक चढउतार पाहिले आहेत. मात्र त्याने आपले घर कधीही बदलले नाही. आजही इतके पैसे कमावून सलमान आपल्या याच घरामध्ये अत्यंत आनंदीपणाने राहात आहे. सलमान खान हे नाव कितीही मोठे असले तरीही सामान्य माणसाप्रमाणेच त्याच्या घरातील इंटिरिअर असून ते तसंच ठेवणे सलमानला आवडते. मात्र आपल्या पनवलेच्या फार्महाऊसमध्ये सलमानने अत्यंत क्लासी इंटिरिअर केले असल्याचे अनेकदा व्हिडिओमध्ये दिसून आले आहे.

(फोटो क्रेडिटः Dailymotion, Instagram)