2022 Lexus NX 350h एसयूव्ही भारतात लाँच, जाणून घ्या किंमत आणि वैशिष्ट्य

लेक्सस इंडियाने भारतात 2022 Lexus NX 350h एसयूव्ही कार लाँच केली आहे. या गाडीबाबत कारप्रेमींमध्ये प्रचंड उत्सुकता आहे. या एसयूव्हीचे तीन व्हेरियंट आहेत. Exquisite, Luxury, F-Sport असे तीन प्रकार आहेत. लेक्सस Exquisite ची किंमत ६४.९० लाख, Luxury व्हेरियंटची किंमत ६९.५० लाख, तर F-Sport व्हेरियंटची किंमत ७१.६० लाख रुपये आहे. या गाड्यांची बुकिंग जानेवारीपासून सुरु झाली आहे. या बुकिंगला कारप्रेमींचा चांगला प्रतिसाद मिळत असल्याचं कंपनीकडून सांगण्यात आलं आहे. 2022 Lexus NX 350h चा लुक अनेक बदलांसह अपडेट केला गेला आहे. यामध्ये सिंगल-पीस LED हेडलॅम्पमध्ये एकत्रित केलेला DRL चा नवीन संच, लाईट बारला जोडलेल्या नवीन LED टेललाइट्स आणि स्पिंडल ग्रिलसाठी U-प्रकार पॅटर्न यांचा समावेश आहे.

2022 Lexus NX 350h एसयूव्हीचे इंटीरियर देखील अपग्रेड केले गेले आहे. यात आता मोठी १४.० इंचाची इन्फोटेनमेंट सिस्टीम, इलेक्ट्रिक फोल्डिंग रिअर सीट्स, पॅनोरामिक सनरूफ आणि कस्टमाइझ करण्यायोग्य सभोवतालची लाइटिंग यांसारखी वैशिष्ट्ये आहेत. यात ३६० डिग्री पार्किंग कॅमेरा, हेड-अप डिस्प्ले, वायरलेस अँड्रॉइड ऑटो आणि ऍपल कारप्ले, वायरलेस चार्जिंग, ६४ कलर अ‍ॅम्बियंट लाइटिंग देखील मिळते. अधिक जागा देण्यासाठी एसयूव्हीच्या मागील सीट फोल्डिंग फीचरसह आहेत.

महिंद्राच्या ‘या’ गाडीची किंमत फक्त १२,४२१ रुपये! आनंद महिंद्रा यांचं ट्वीट चर्चेत

2022 Lexus NX 350h एसयूव्हीला २.५ लिटर ४-सिलेंडर नैसर्गिकरित्या एस्पिरेटेड पेट्रोल इंजिन आहे आणि ते इलेक्ट्रिक मोटरशी जोडलेले आहे. कार ५५ किलोमीटरपर्यंत धावते. हे इंजिन १९२ एचपी पॉवर जनरेट करू शकते. ऑल-व्हील-ड्राइव्हमध्ये पेट्रोल आणि हायब्रिड युनिटचे एकत्रित आउटपुट २४४ एचपी आहे. इंजिन ६-स्टेप ई-सीव्हीटी ट्रान्समिशनशी जोडलेले आहे. लेक्सस कंपनी पर्यावरणपूरक भविष्यासाठी आपली वचनबद्धता अधोरेखित करते. कंपनीचे म्हणणे आहे की, त्यांना २०५० पर्यंत कार्बन न्यूट्रल व्हायचे आहे आणि २०२५ पर्यंत त्यांच्या जागतिक पोर्टफोलिओमध्ये फक्त ईव्ही असतील. 2022 Lexus NX 350h एसयूव्हीची प्रीमियम एसयूव्ही विभागातील मर्सिडीज GLC, नवीन ऑडी Q5 फेसलिफ्ट, BMW X3 आणि Volvo XC60 यांच्याशी स्पर्धा करेल.