IND vs WI 1st T20I: भारत पहिल्या टी20 सामन्यासाठी सज्ज, नाणेफेक जिंकत निवडली गोलंदाजी

IND vs WI 1st T20I: भारत आणि वेस्ट इंडीज यांच्यातील पहिल्या टी20 सामन्यात भारताने नाणेफेक जिंकत गोलंदाजी निवडली आहे. आजच्या सामन्यात भारताने प्रथम गोलंदाजी घेत एक नवी रणनीती अनुभवली असून आज भारत सामन्यात चेस करण्याच्या संपूर्ण तयारीने मैदानात उतरणार आहे. युवा फिरकीपटू रवी बिश्नोईने आज भारतीय संघात आगमन केलं आहे.

एकदिवसीय सामन्यांच्या मालिकेत भारताने वेस्ट इंडिजला व्हाईट वॉश दिला. तीन सामन्यांची मालिका 3-0 ने जिंकत भारत आता टी20 मालिकेसाठी सज्ज झाला आहे. भारत आणि वेस्ट इंडीज यांच्यात पार पडणारा हा पहिला टी20 सामना कोलकात्याच्या ईडन गार्डन मैदानावर खेळवला जात आहे. एकूण तीन सामन्यांची ही मालिका असून तिन्ही सामने जिंकून या मालिकेतही क्लीन स्वीप देण्यासाठी भारत संपूर्ण प्रयत्न करणार हे नक्की.