हाय फायबर
प्रोटीन, कार्ब्स आणि फायबर अशा गोष्टींमुळे भाकरी हा एक चांगला पर्याय ठरतो. अर्थात चपातीमध्येही या गोष्टींचा समावेश असतो. मात्र भाकरी खाल्ल्याने लवकर पोट भरतं आणि भूकही लवकर लागत नाही. यामध्ये हाय फायबर असल्याने आणि पोटाला चांगला आधार मिळत असल्याने भाकरी वजन कमी करण्यासाठी योग्य ठरते. त्यातही नाचणीची भाकरी आणि त्यासह पालेभाजी हे कॉम्बिनेशन तुमच्या जेवणात असेल तर ते अधिक उत्तम मानले जाते.
जास्त ऑर्गेनिक
हल्ली बरेचदा बाजारात पोळीचे तयार पिठही मिळालेले दिसून येते. यामध्ये प्रिझर्वेटिव्ह्ज वापरून तयार करण्यात येते. पण भाकरीचे असे होत नाही. भाकरीचे पीठ मळून घेतल्यानंतर त्वरीत त्याची भाकरी भाजावी लागते. अन्यथा पिठ तर खराब होतेच. पण भाकरीची चवही लागत नाही आणि भाकरी कडक होते. त्यामुळे यामध्ये अधिक ऑर्गेनिक तत्व आढळतात. चपातीपेक्षाही भाकरी अधिक हेल्दी समजण्यात येते आणि वजन कमी करण्यासाठी याचा अधिक चांगला वापर करून घेण्यात येतो.
(वाचा – Weight Loss Tips: काय आहे ८०/२० नियम, कसे होते वजन कमी)
धान्याचे मुबलक प्रमाण
चपाती ही केवळ गव्हापासूनच तयार होते. तर भाकरीमध्ये तांदूळ, ज्वारी, बाजरी, नाचणी असे अनेक पर्याय उपलब्ध आहेत. हे सर्व धान्याचे प्रकार आपल्या शरीरासाठी पोषक तत्व देणारेच आहेत. यामध्ये गव्हापेक्षा अधिक फायबर प्राप्त होते. तसंच पौष्टिक आहारासाठी आणि डाएटमध्ये समाविष्ट करून घेण्यासाठी ही सर्व धान्य उपयुक्त ठरतात. त्यामुळे चपातीपेक्षा वजन कमी करण्यासाठी तुम्ही या धान्याच्या भाकरीचा उपयोग करून घेऊ शकता. तांदळाच्या भाकरीपेक्षाही बाजरी, नाचणी या भाकरीचा अधिक उपयोग करून घ्यावा. आहारतज्ज्ञदेखील तुम्हाला नाचणीची भाकरी खाण्याचा सल्ला वजन कमी करण्यासाठी देतात.
(वाचा – Weight Loss Story : पनीर, ब्राऊन राइस खाऊन १६ वर्षीय रौनकने तब्बल १२ किलो वजन घटवले, असा होता डाएट)
अत्यंत सोपी
भाकरी थापणे ही अत्यंत सोपी प्रक्रिया आहे. चपातीसाठी पोळपाट लाटणं असं सर्व साग्रसंगीत साहित्य घेऊन बसावं लागतं. तर भाकरी तुम्हाला कुठेही पटकन थापून तयार करता येते. तसंच ही करण्यासाठी जास्त वेळ लागत नाही. पिठ मळून झाल्यावर भाकरी पटकन थापता येते आणि नाश्ता असो वा जेवण कुठेही पटकन तयार करून वाढता येते. त्यामुळे चपातीपेक्षा हा पर्याय बरेचदा वापरला जातो.
(वाचा – Weight Loss: गुळाचं पाणी पिऊन वजन घटवा, सोपे उपाय)
मधुमेही रूग्णांसाठी अधिक उपयुक्त
हाय ग्लायसेमिक इंडेक्स आणि प्रोसेस्ड फूडमुळे ब्रेडचा पर्याय सहसा वापरू नये. तर चपाती खाऊनही सतत कंटाळा येतो. त्यापेक्षा मधुमेही रूग्णांना भाकरी खाणे अधिक उपयोगी ठरते. रक्तातील साखरेची पातळी कमी करण्यासाठी भाकरी अधिक गुणकारी ठरते. त्यामुळे मधुमेही व्यक्तींना नेहमीच भाकरी खाण्याचा सल्ला डॉक्टरांकडून देण्यात येतो.
या सर्व फायद्यांशिवाय हे सर्वस्वी तुमच्या शरीरावर आणि तुम्ही केलेल्या व्यायामावर अवलंबून आहे की, तुमचे वजन कमी होते की नाही. तुम्ही भाकरीची निवड केल्यास आणि तुमच्या आहारात योग्य बदल केल्यास, नक्कीच तुमचे वजन घटविण्यासाठी उपयोग होतो. तसंच भाकरी हा वजन कमी करण्यासाठी पर्याय आहे. मात्र त्यासाठी तुम्हाला आहारामध्ये भाजी, फळं आणि अन्य पदार्थांचाही योग्य समावेश करून घेण्याची आवश्यकता आहे हे नक्की लक्षात ठेवा.
(फोटो क्रेडिटः Freepik.com)