Bank Jobs 2022: रिझर्व्ह बँक ऑफ इंडियामध्ये भरतीसाठी 'येथे' करा अर्ज

RBI Assistant Recruitment 2022: रिझर्व्ह बँक ऑफ इंडियामध्ये (Reserve Bank of India) नोकरी मिळवण्याची उत्तम संधी आहे. तुमच्याकडे कोणत्याही विषयातील पदवी असेल, म्हणजेच तुम्ही केवळ सामान्य पदवीधर असाल तरी तुम्हाला आरबीआयमध्ये सरकारी नोकरी मिळविण्याची संधी आहे. बँकेत नोकरी करू इच्छिणाऱ्या उमेदवारांसाठी ही सुवर्णसंधी आहे. आरबीआयकडून सहाय्यकांची (RBI Assistant) साधारण १ हजार पदे भरली जाणार आहे. यासाठी अर्ज प्रक्रिया १७ फेब्रुवारी २०२२ पासून सुरु झाली आहे. रिझर्व्ह बँकेची अधिकृत वेबसाइट rbi.org.in वर जाऊन अर्ज करता येणार आहे.

या भरती प्रक्रियेत निवडल्या जाणाऱ्या उमेदवारांना देशातील विविध शहरांमध्ये असलेल्या आरबीआयच्या शाखांमध्ये नियुक्ती दिली जाणार आहे. एकूण १९ शहरांमध्ये ही भरती केली जात आहे. कानपूर, लखनऊ, अहमदाबाद, बंगळूर, भोपाळ, भुवनेश्वर, चंदीगड, चेन्नई, गुवाहाटी, हैदराबाद, जयपूर, जम्मू, कोलकाता , मुंबई, नागपूर, नवी दिल्ली, पाटणा, तिरुवनंतपुरम, कोची या शहरांचा समावेश आहे.
या अंतर्गत आरबीआय सहाय्यक(RBI Assistant) पदांची भरती केली जाणार आहे.

पात्रता
आरबीआय असिस्टंट पदासाठी अर्ज करणाऱ्या उमेदवाराकडे ग्रॅज्युएशनमध्ये ५० टक्के असणे आवश्यक आहे. एससी, एसटी आणि दिव्यांग उमेदवारांना टक्केवारीची अट नाही. उमेदवारांकडे कॉम्प्युटरवर वर्ड प्रोसेसिंगची माहिती असणे आवश्यक आहे.

हेही वाचा : कर्मचाऱ्यांना हवंय Work From Home, वेतनवाढ-नोकरी सोडण्यासही तयार

Army ADG Recruitment: अतिरिक्त डायरेक्टोरेट जनरल अंतर्गत विविध पदांची भरती

वयोमर्यादा
आरबीआय असिस्टंट पदासाठी वयोमर्यादा किमान २० आणि कमाल २८ वर्षे आहे. राखीव प्रवर्गांतील उमेदवारांना उच्च वयोमर्यादेत सवलत दिली जाणार आहे. १ फेब्रुवारी २०२२ रोजी वयाची गणना केली जाईल.

पगार
आरबीआय असिस्टंटच्या पदांसाठी निवडल्या जाणार्‍या उमेदवारांना दरमहा ३६ हजार रुपयांपर्यंत पगार आणि इतर भत्ते दिले जाणार आहे.

इस्टर्न कोलफिल्डमध्ये बारावी उत्तीर्णांना संधी, ३१ हजारपर्यंत मिळेल पगार
RBI Assistant: असा करा अर्ज
आरबीआय सहाय्यक भरती २०२२ साठी अर्जाचा फॉर्म भारतीय रिझर्व्ह बँकेची अधिकृत वेबसाइट rbi.org.in वर प्रसिद्ध करण्यात आला आहे. यासाठी ऑनलाइन माध्यमातून अर्ज करावा लागेल. फॉर्मची लिंक १७ फेब्रुवारीपासून सक्रिय झाली आहे. जनरल, ईडब्ल्यूएस आणि ओबीसी उमेदवारांसाठी अर्ज शुल्क ४५० रुपये आहे. एससी, एससटी दिव्यांग आणि माजी सैनिकांसाठी ५० रुपये शुल्क आहे. डेबिट कार्ड, क्रेडिट कार्ड किंवा नेट बँकिंगद्वारे फी भरता येणार आहे. उमेदवारांना ८ मार्च २०२२ पर्यंत अर्ज करता येणार आहे.

कॅन्टोन्मेंट बोर्डाच्या प्रशासकीय विभागात भरती, २५ हजार ते १ लाखापर्यंत मिळेल पगार
अशी होईल निवड
आरबीआय असिस्टंटची निवड प्रक्रिया तीन टप्प्यांची असणार आहे. सर्वप्रथम प्राथमिक परीक्षा होईल. यामध्ये उत्तीर्ण झालेल्या उमेदवारांना मुख्य परीक्षेला बसावे लागेल. त्यानंतर भाषा प्राविण्य चाचणी (LPT) घेतली जाईल. प्राथमिक परीक्षा २६ आणि २७ मार्च २०२२ रोजी ऑनलाइन पद्धतीने घेतली जाणार आहे.

हेही वाचा : मिरा-भाईंदर महापालिकेत नोकरीची संधी, भरती प्रक्रियेविषयी जाणून घ्या

अर्ज प्रक्रियेच्या लिंकवर जाण्यासाठी येथे क्लिक करा
अधिकृत वेबसाइटवर जाण्यासाठी येथे क्लिक करा

NHM Recruitment: ‘या’ ५ जिल्ह्यांमध्ये राष्ट्रीय आरोग्य अभियानाअंतर्गत भरती
TCS Recruitment 2022: टाटा कन्सल्टन्सी सर्व्हिसेसमध्ये विविध पदांची भरती

Source link

संबंधित बातम्या: