अर्जुन नावाचा अर्थ
अर्जुन हे नाव महाभारतातील पात्राचे असले तरी अर्जुन या नावाचा अर्थ फार मोठा आणि गहन आहे. पंडू आणि त्यांची पत्नी कुंती यांनी आपल्या या मुलांचे नाव सुद्धा अर्जुन ठेवले त्या मागे त्यांची काही भावना होती. अर्जुन म्हणजे सर्वात निपुण आणि सर्वश्रेष्ठ होय. त्या काळात अर्जुन धर्नु्र्विद्या आणि कौशलतेसाठी ओळखले जायचे. त्यासम दुसरा कोणीच नाही. अर्जुन नावाचा अर्थ सफेद, स्पष्ट आणि चांदी असाही होतो. अर्जुनाने आपल्या गुणांमधून आपल्या नावाचा हा अर्थ सिद्ध करून दाखवला. हीच भावना सचिनची सुद्धा आपल्या मुलाचे नाव ठेवताना होती. त्याला सुद्धा आपल्या मुलाने सर्वात निपुण होऊन आपल्या घराण्याचे नाव आपल्यापेक्षा मोठे करावे असे वाटत होते. (फोटो साभार : TOI)
(वाचा :- लाखो-करोडोंची मालकिन असलेल्या ‘या’ महिलेने स्वत:च्याच मुलांना दिलं असं आयुष्य, सर्वच पालकांसाठी मोठा धडा..!)
सचिनने निवडले खास नाव
सचिन हा मराठी घरात वाढलेला मुलगा होय. लहानपणापासूनच त्याला सुद्धा आपल्या सारख्या झोपण्याआधी कथा आणि गोष्टी ऐकण्याची सवय होती. त्याला महाभारतातील कथा खूप जास्त आवडायच्या. हळूहळू अर्जुन हे पात्र मात्र सचिनला खूप जवळचे वाटू लागले. त्या पात्रावर जणू त्याचा जीवच बसला. आपल्या एका मुलाखतीत सचिन म्हणाला सुद्धा होता की, अर्जुन या पात्राने मला खूप प्रेरणा दिली. तुम्हाला सुद्धा माहित आहेच की सचिन त्याच्या काळात क्रिकेट मधील अर्जुन तर होताच. एकंदरीत हे नाव आपल्या मुलाला द्यावे ही त्याचीच भावना होती. (फोटो साभार : TOI)
(वाचा :- परदेशात सुद्धा ‘या’ इंडियन नावांसाठी दिवाने आहेत लोक, अशी युनिक व मॉर्डन भारतीय नावं जी इंग्रजांनाही खूप आवडतायत..!)
तुम्ही सुद्धा देऊ शकता ही युनिक नावे
महाभारतामध्ये अर्जुन व्यतिरिक्त सुद्धा अनेक युनिक नावे आहेत जी तुम्ही तुमच्या मुलाला देऊ शकता. जसे की अभिमन्यू होय. अभिमन्यू हा अर्जुनाचाच मुलगा आणि त्याची कथा तुम्हाला सुद्धा माहित असेलच. असे म्हणतात की तो जर जिवंत राहिला असता तर त्याने अर्जुनापेक्षा जास्त नाव कमावले असते. पण नियतीने त्याचे भविष्य वेगळेच लिहिले होते. पण हे नाव सुद्धा खूप भारदस्त आहे आणि ऐकायला सुद्धा छान वाटते. यातून एक वेगळेपणा जाणवतो आणि अन्य सामान्य नावांमध्ये हे नाव उठून दिसते. अभिमन्यू नावाचा अर्थ आहे आत्म-सन्मान, वीर होय. (फोटो साभार : Pexels)
(वाचा :- घरात होईल सुख, समृद्धी व धनाची बरसात, बाळाला ठेवा सध्या प्रसिद्ध होत असलेली संतोषी मातेची ‘ही’ युनिक व मॉर्डन नावे!)
दक्ष
अर्जुन आणि अभिमानी यांच्या शिवाय महाभारतातील दोन अशी नावे आहेत जी फार युनिक म्हणून ओळखली जातात. एक म्हणजे दक्ष आणि दुसरे म्हणजे एकलव्य होय. दक्ष या नावाचा अर्थ आहे कुशल आणि सक्षम, भगवान ब्रम्ह, अग्नी, सोनं, प्रतिभाशाली जो सर्वच बाबतीत खूप कणखर आहे. (फोटो साभार : Pexels)
(वाचा :- लोखंडासारखी मजबूत व टणक बनतील मुलांची हाडे, फक्त खाऊ घाला ‘हा’ एकदम स्वस्तातला पदार्थ..!)
एकलव्य
एकलव्याची कहाणी तर आपल्या सर्वांनाच माहित आहे. हे नाव सर्व नावांमध्ये युनिक मानले जाते. याचा अर्थ आहे गुरुप्रती समर्पण करण्यास प्रसिद्ध असलेला व्यक्ती! (फोटो साभार : Pexels)
(वाचा :- लहान मुलांमध्ये दिसू लागली आहेत ओमिक्रॉनची ‘ही’ 3 गंभीर व भयंकर लक्षणं, डॉक्टरही आहेत प्रचंड चिंतीत व हतबल..!)
गौतम
याव्यतिरिक्त सुद्धा अजून काही आगळीवेगळी नावे आपल्याला महाभारतात आढळतात. त्यापैकी खास नावे म्हणजे गौतम, नकुल आणि सहदेव होय. गौतम हे नाव गौतम बुद्धांशी जोडले गेले असल्याने त्या नावाची महती अजून वेगळी काय वर्णावी? त्यामुळे तुम्ही जर शांतीमय व्यक्ती असाल तर आपल्या मुलासाठी गौतम या नावाची नक्की निवड करा. (फोटो साभार : Pexels)
(वाचा :- बापरे अजबच, थेट डिलिव्हरीच्या दिवशीच समजलं की मी प्रेग्नेंट आहे, नऊ महिन्यांपर्यंत अजिबात वाढलं नाही पोट..!)
नकुल
नकुल हे पाच पांडवांमधील चौथ्या पांडवाचे नाव होय. तुम्हाला विश्वास बसणार नाही पण हे भगवान महादेवांचे सुद्धा नाव आहे. (फोटो साभार : TOI)
(वाचा :- या महिलेला 28व्या आठवड्यात घ्यावा लागला आपल्या गर्भातील बाळाचा जीव, कारण ऐकून कोर्टातील जजलाही रडू आवरलं नाही..!)
सहदेव
जर तुमच्या मुलाच्या नावासाठी ‘स’ हे अक्षर आले असेल तर सहदेव हे नाव तुम्ही आपल्या मुलासाठी नक्की निवडा! पांडवांच्या राजकुमारांपैकी एक म्हणजे सहदेव असा या नावाचा अर्थ होतो. (फोटो साभार : TOI)
(वाचा :- अमेरिकेत प्रचंड पॉप्युलर आहेत मुलामुलींची ‘ही’ मॉर्डन व युनिक नावे, जी आता भारतातही होतायत प्रसिद्ध!)