अजब! ‘या’ म्युझिअममध्ये सर्व कपडे काढून जातात लोक; आत लावले आहेत असे फोटो आणि मूर्ती

जगात अशा अनेक अजब आणि आश्चर्यकारक गोष्टी आहेत ज्या समजल्यानंतर खरंच असं होऊ शकतं का असं वाटतं. म्हणजे एखादा म्युझिअममध्ये जाताना लोक न्यूड होतात असं सांगितलं तर तुम्हाला खऱं वाटणार नाही. पण खरंच अशी एक जागा आहे, जी फ्रान्समध्ये आहे. फ्रान्समधील या म्युझिअममध्ये आतापासून डिसेंबरपर्यंत महिन्यातील एक दिवस अनोखं एक्झिबिशन लावलं जातं. अजब म्हणजे म्युझिअममध्ये प्रवेश करताना लोकांना पूर्ण कपडे काढण्याची परवानगी असते. पण लाकडाच्या जमिनीवर चालताना खराब होऊ नये यासाठी शूज घालण्याची परवानगी आहे. 

हे म्युझिअम फ्रान्समधील मार्सिले शहरात आहे. मार्सिले म्युझिअम नावानेही ते ओळखलं जातं. वास्तविक, हे संग्रहालय युरोपमधील निसर्गवादाचा इतिहास दर्शविणारी नग्न चित्रे प्रदर्शित करत आहे आणि लोकांनी कपड्यांशिवाय यावे आणि या चित्रांशी जोडले जावे अशी त्यांची इच्छा आहे.

AFP नुसार, या प्रदर्शनात फोटो, चित्रं, मॅगझीन, मूर्ती आणि इतर अनेक गोष्टी आहेत ज्या कला दर्शवतात. हे फ्रान्स आणि स्वित्झर्लंडमधील निसर्गवादी समुदाय आणि सार्वजनिक आणि खाजगी संग्रहातून एकत्र करण्यात आलं आहे. पॅरिसमधील सेंटर पॉम्पीडो, लूवर आणि बर्नच्या स्विस नॅशनल लायब्ररी यात सहभागी आहे.

म्युझिअमची न्यूड व्हिजिटर्सची घोषणा अनेक लोकांसाठी सांस्कृतिक धक्का होता. इंग्लंडहून आलेल्या दोन लोकांना हे पाहून आश्चर्य वाटले की नग्नतेकडे किती मुक्त दृष्टीकोन आहे आणि ही आयुष्यात मिळणारी एकमेव संधी आहे. कारण इंग्लंडमध्ये निसर्गवादी गोष्टींबद्दल त्यांचे विचार इतके मुक्त नाहीत. तिथे ही लाजिरवाणी बाब असेल. 

ज्यांना बाहेर नग्न राहायला आवडते त्यांच्यासाठी हे संग्रहालय फ्रान्सचे जगातील प्रमुख पर्यटन स्थळ म्हणून प्रसिद्द आहे. स्थानिक निसर्गवादी संघटनेचे प्रमुख ब्रुनो सुआरेझ यांनी एएफपीला सांगितले की, स्वित्झर्लंड आणि जर्मनीमध्ये निसर्गवादी चळवळ 19 व्या शतकात सुरू झाली, तथापि, फ्रान्समध्ये प्रथम निसर्गवादी गट 1930 मध्ये दक्षिणपूर्व प्रोव्हन्स प्रदेशात उदयास आले आणि ते संपूर्ण देशात पसरले.

कपडे घालून म्युझिअममध्ये जाऊ शकतो का?

पण, पूर्ण कपडे घातलेले लोकही संग्रहालयात येऊ शकतात का? या प्रश्नावर संग्रहालयाच्या प्रवक्त्याने एएफपीला सांगितलं की, हे थोडं विचित्र मानलं जाऊ शकतं. कारण जे लोक तिकीट बुक करतात त्यांच्यासाठी हे प्रदर्शन काही प्रमाणात नग्न अवस्थेत राहण्यासाठी आहे. हे प्रदर्शन 9 डिसेंबरपर्यंत सुरु राहणार आहे.