उगाचच टॅबू केला जातो
जेव्हा सी-सेक्शनचा विचार केला जातो, तेव्हा हे समजून घेणे आवश्यक आहे की जी स्त्री नॉन-वजाइनल प्रसूतीची निवड करते ती शारीरिक आणि मानसिकदृष्ट्या तितकीच मजबूत असते. अनपेक्षित परिस्थितीमुळे, अनेकदा डॉक्टरही सी-सेक्शनचा पर्याय सुचवतात. यामुळे बाळ आणि आई यांच्या आरोग्याची खात्री दिली जाते. बाळाच्या आणि आईच्या स्थितीनुसार प्रसूतीची पद्धत सामान्यतः डॉक्टर ठरवतात. मात्र सी-सेक्शनचा उगाचच बाऊ केला जातो.
(वाचा – C-Section नंतर शरीराचा प्रत्येक अवयव तुटून पडतो, डॉक्टरांनी सांगितली कशी बिघडते नव्या आईची तब्बेत)
C-Section मागे खरं कारण काय?
नॉर्मल प्रसूतीवेळी जाणवणाऱ्या कळा आणि तो त्रास सहन करण्याची इच्छा नसणाऱ्या अनेक महिला C-Section च्या पर्यायाची निवड करतात. असा निर्णय घेताना आईने प्रक्रियेसोबतच त्याचे फायदे-तोटे समजून घेणे आवश्यक आहे. जरी सी-सेक्शन प्रसूती ही एक सामान्य शस्त्रक्रिया असली तरीही ती एक मोठी शस्त्रक्रिया आहे. याला अजिबातच हलक्यात घेऊ नये, असं हिरानंदानी हॉस्पिटल वाशी-ए फोर्टिस नेटवर्क हॉस्पिटलच्या सल्लागार स्त्रीरोग आणि प्रसूती तज्ञ डॉ मंजिरी मेहता म्हणतात.
(वाचा – गरोदरपणात गोंडस बाळाचा फोटो बघून खरंच तसं बाळ होतं, काय म्हणतात डॉक्टर))
C-Section प्लान प्रसूती करण्यामागचे कारण
सी-सेक्शन ही नियोजित शस्त्रक्रिया असल्याने, आईला तंतोतंत माहित असते की तिला मूल कधी होणार आहे
• प्रवेश प्रक्रियेची लॉजिस्टिक, घर ते हॉस्पिटल प्रवास आणि इतर व्यवस्था अखंडपणे सांभाळल्या जाऊ शकतात
• नियोजित LSCS मध्ये एक वेगळा फायदा आहे कारण प्रसूतीच्या वेळी सर्व सहाय्यक कर्मचारी उपस्थित असतात. उदाहरणार्थ, एखाद्या बाळाला निओनॅटोलॉजिस्टची गरज असते किंवा आईला रक्त संक्रमणाची आवश्यकता असते अशा परिस्थितींमध्ये रुग्णालयातील कर्मचारी वेळेपूर्वी तयार राहू शकतात
• ज्या महिलांना प्रसूतीच्या वेदना आणि अनिश्चिततेतून जायचे नाही त्यांच्यासाठी सी-सेक्शन प्रसूती हा एक उत्तम पर्याय आहे.
(वाचा – C Section नंतर चुकूनही या ५ गोष्टी करू नका, नाहीतर होईल मोठं नुकसान)
C-Section चे तोटे
सी-सेक्शनचे स्वतःचे तोटे देखील आहेत, हे जाणून घेणे देखील तितकेच गरजेचे आहे. जेणेकरुन प्रत्येक गर्भवती महिला त्यांच्यासाठी सर्वात योग्य निवड करू शकते. सी-सेक्शनशी संबंधित काही सामान्य समस्यांमध्ये हे समाविष्ट आहे.
• ऍनेस्थेसिया संबंधित समस्या
• कमीत कमी पहिल्या ४८ तासांत जास्त वेदनाशामक औषधाची गरज
• शस्त्रक्रियेदरम्यान रक्त कमी होण्याचे प्रमाण सामान्य प्रसूतीपेक्षा जास्त असण्याची शक्यता असते
• कॅथेटेरायझेशनमुळे मूत्रमार्गाच्या रोगासह संसर्ग होण्याचा संभाव्य धोका आहे
• आईचा नॉर्मल होण्याचा कालावधी सामान्य प्रसूतीपेक्षा जास्त असतो. तुम्हाला अंथरुणाला खिळण्याची गरज नसली तरी, तुम्ही २ आठवड्यांपर्यंत तुमची दिनचर्या पुन्हा सुरू करू शकत नाही.
(वाचा – पुण्यातील शिवन्या जन्माच्यावेळी अवघ्या ४०० ग्रॅमची, डॉक्टरांनीही सोडली होती आशा, पण पुढे जे घडलं तो एक चमत्कारच)
मुख्य मुद्दा काय
दोन्ही पर्यायांचे फायदे आणि तोटे आहेत. प्रत्येक स्त्रीचा गरोदरपणाचा प्रवास वेगळा असल्याने, प्रसूतीचा प्रकार देखील वेगळा असू शकतो. अशावेळी प्रत्येक स्त्रीने आपल्या डॉक्टरांवर विश्वास ठेऊन हा निर्णय घ्यावा.
टीप : हा लेख फक्त सामान्य माहितीसाठी आहे. हा कोणत्याही प्रकारचा पर्याय असू शकत नाही. अधिक तपशीलांसाठी नेहमी आपल्या तज्ञांशी संपर्क साधावा.
(इंग्रजीत हे आर्टिकल वाचण्यासाठी येथे क्लिक करा)