Viral Video: …आणि शिक्षिकेने विद्यार्थ्यांचे फोन आगीत फेकले

सोशल मीडियावर एका शाळेचा व्हिडीओ व्हायरल होत आहे, जो पाहून युजर्स आश्चर्यचकित झाले आहेत. व्हायरल व्हिडीओमध्ये एक महिला शिक्षिका मोबाईल आगीत फेकताना दिसत आहे. हे मोबाईल विद्यार्थ्यांचे असल्याचा दावा केला जात आहे. हा व्हिडीओ मलेशिया किंवा इंडोनेशियाचा असू शकतो, असे काही मीडिया रिपोर्ट्समध्ये म्हटले आहे, मात्र याची पुष्टी झालेली नाही. व्हिडीओनुसार, शाळेतील अनेक विद्यार्थ्यांनी लपून मोबाईल आणले होते. हे नियमांचे उल्लंघन होते. अशा स्थितीत विद्यार्थ्याची चोरी पकडली गेल्याने शिक्षक संतापले. रागाच्या भरात शिक्षिकेने असे पाऊल उचलले , ज्याने सगळेच आश्चर्यचकित झाले.

मोबाईल आगीत फेकले

वास्तविक, शिक्षकाने विद्यार्थ्यांचे मोबाईल जप्त केले आणि त्यांना एक एक करून आगीत फेकले. शिक्षकाने आयफोनसह अनेक प्रकारचे मोबाईल फोन आगीच्या ड्रममध्ये टाकून जाळले. व्हायरल व्हिडीओमध्ये शिक्षक एक-दोन नव्हे तर अनेक स्मार्टफोन आगीत फेकताना दिसत आहेत.

(हे ही वाचा: “गडपती, गजअश्वपती, भूपती…” पावनखिंड चित्रपटाच्या वेळी चित्रपटगृहात शिवगर्जना देणाऱ्या तरुणाचा Video Viral)

विद्यार्थी रुडू लागले!

हा व्हिडीओ इंस्टाग्रामवर mstaronlineofficial नावाच्या पेजवरून शेअर करण्यात आला आहे, जो आतापर्यंत ४ लाखांहून अधिक वेळा पाहिला गेला आहे. विद्यार्थ्यांचे मोबाईल जळाले तेव्हा ते रडू लागले, असे व्हिडीओत दिसत आहे. व्हिडीओच्या पार्श्वभूमीवर विद्यार्थ्यांचा आवाज ऐकू येतो. विद्यार्थ्यांनी शिक्षकाला मोबाईल पेटवू नका, अशी विनंती केली, पण शिक्षक मान्य झाले नाहीत.

(हे ही वाचा: पावनखिंड चित्रपटाच्या वेळी सांगलीच्या चित्रपटगृहात तरुणांनी दिली शिवगर्जना; अंगावर काटा आणणारा Video Viral)