Kartik Aaryan ला भेटण्यासाठी चिमुकल्या चाहत्याने केलं असं काही की….;पाहा VIDEO

मुंबई, 19 सप्टेंबर : ‘भूल भुलैया 2’ चित्रपट बॉक्स ऑफिसवर हिट ठरल्यानंतर अभिनेता कार्तिक आर्यनची लोकप्रियता मोठ्या प्रमाणावर वाढलेली पहायला मिळाली. आता दिवसेंदिवस कार्तिकची लोकप्रियता वाढतच चालली आहे. कार्तिकची जबरदस्त फॅन फॉलोविंग असून तो नेहमीच आपल्या चाहत्यांसोबत प्रेमाने वागताना दिसतो. अशातच कार्तिक आणि त्याच्या चिमुकल्याचा चाहत्याचा एक व्हिडीओ समोर आला आहे. यामध्ये कार्तिकने पुन्हा एकदा त्याच्या चाहत्यांचं मन जिंकलं आहे.

कार्तिक आर्यन नुकताच एअरपोर्टवर स्पॉट झाला. कार्तिकला पाहताच त्याच्या चिमुकल्या चाहत्यानं त्याला गेटवरुनच हाक मारायला सुरुवात केली. कार्तिकला पाहून चाहता भावूक झाला. कार्तिकने त्याला जवळ घेत त्याच्यासोबत फोटो काढला. त्याला ऑटोग्राफही दिला. कार्तिकच्या या ‘डाऊन टू अर्थ’ वागण्याने चाहत्यांची मने जिंकली. त्याच्या या वागणुकीविषयी नेटकऱ्यांकडून त्याचं कौतुक होत आहे.

कार्तिकचा हा व्हिडीओ सोशल मीडियावर मोठ्या प्रमाणावर व्हायरल होत आहे. व्हिडीओला नेटकऱ्यांचं भरभरुन प्रेम मिळताना दिसतंय. ‘लोकांनासुद्धा सेल्फ मेड अभिनेत्याची कदर असते, हम्बल, खरा सुपरस्टार, लव, क्युट’, अशा अनेक कमेंट व्हिडीओवर येत आहेत.

दरम्यान, ‘भूल भुलैया’नंतर तो कियारासोबत पुन्हा एकदा काम करत आहे. ‘सत्य प्रेम की कथा’ मध्ये दोघे पुन्हा एकत्र स्क्रीन शेअर करणार आहे. ही एक संगीतमय प्रेमकथा आहे. समीर यांनी दिग्दर्शित केलेला हा चित्रपट पुढील वर्षी 29 जून 2023 मध्ये प्रदर्शित होणार आहे. याशिवाय कार्तिक आर्यन ‘आशिकी 3’, ‘शहजादा’, ‘फ्रेडी’ आणि ‘कॅप्टन इंडिया’ हे चित्रपटही करत आहे.

Published by:Sayali Zarad

First published: September 19, 2022, 11:44 IST