वयाच्या अवघ्या 25व्या वर्षी जान्हवी कपूर ‘इतक्या’ संपत्तीची मालकीण!

Janvhi Kapoor Birthday :  बॉलिवूड अभिनेत्री जान्हवी कपूर (Janvhi Kapoor) हिचा जन्म 6 मार्च 1997 रोजी मुंबईत झाला. बॉलिवूडची ‘हवाहवाई गर्ल’ दिवंगत अभिनेत्री श्रीदेवी आणि चित्रपट निर्माते बोनी कपूर यांची लेक असणाऱ्या जान्हवीने आपल्या आई-वडिलांच्या पावलावर पाऊल ठेवत बॉलिवूडमध्ये स्वतःचे विशेष स्थान निर्माण केले आहे. जान्हवीचा पहिला चित्रपट ‘धडक’ हिट ठरला, त्यानंतर या अभिनेत्रीने बॉलिवूडला एकापाठोपाठ एक अनेक उत्तम चित्रपट दिले.

2018 मध्ये बॉलिवूड डेब्यू करत पहिलाच हिट चित्रपट देणाऱ्या या अभिनेत्रीने अल्पावधीतच अनेक हिट चित्रपट दिले. याबरोबरच तिच्या संपत्तीही चांगली वाढ झाली आहे. वयाच्या अवघ्या 25व्या वर्षी जान्हवी कपूर कोट्यवधींची मालकीण आहे.

सर्वाधिक कमाई करणारी बॉलिवूड अभिनेत्री!

अभिनेत्री जान्हवी कपूर देखील तिची आई श्रीदेवी इतकीच दिसायला सुंदर आहे. अवघ्या 25 वर्षांची ही अभिनेत्री इतक्या कमी कालावधीत करोडो रुपयांच्या संपत्तीची मालक बनली आहे. बॉलिवूडमधील सर्वाधिक कमाई करणाऱ्या अभिनेत्रींमध्ये जान्हवीचे नाव सामील झाले आहे. गेल्या वर्षी एका बॉलिवूड वेबसाईटच्या वृत्तानुसार, अभिनेत्रीची एकूण संपत्ती 58 कोटी इतकी आहे.

चित्रपटच नाहीत, तर मॉडेलिंग-अँडोर्समेंटही!

जान्हवी कपूरच्या संपत्तीचा हा आकडा गेल्या वर्षभरातील आहे. या वर्षी तिच्या संपत्ती आणखी वाढ झाली असेल. मीडिया रिपोर्ट्सनुसार, अभिनेत्री तिच्या एका चित्रपटासाठी तब्बल 5 कोटी रुपये फी आकारते. याशिवाय ती अँडोर्समेंट आणि मॉडेलिंगमधूनही मोठी कमाई करते. जान्हवी केवळ कमाईच्या बाबतीत अव्वल नाही, तर ती सढळहस्ते दानही करते. दिलदार अभिनेत्री चांगल्या कामासाठी अनेक सामाजिक संस्थांना मदत करते.