“तुमचं एक तिकीट कोणाचा तरी श्वास बनू शकतो…”, ‘ती परत आलीये’ मालिकेतील अभिनेत्याची पोस्ट चर्चेत

झी मराठी वाहिनीवरील सध्या सर्वाधिक चर्चेत असलेली मालिका म्हणजे ‘ती परत आलीये.’ या मालिकेने अगदी पहिल्या भागापासून प्रेक्षकांचे भरभरुन मनोरंजन केले आहे. याच मालिकेतून घराघरात पोहोचलेले अभिनेते म्हणून देवेंद्र सरदार यांना ओळखले जाते. देवेंद्र सरदार यांनी या मालिकेत लोखंडे या पोलीस अधिकाऱ्याची भूमिका साकारली होती. सध्या देवेंद्र हे ‘छुमंतर’ या विनोदी नाटकात काम करत आहे. या नाटकाच्या निमित्ताने त्यांनी एक पोस्ट शेअर केली आहे. सध्या त्यांची ही पोस्ट चांगलीच चर्चेत आहे.

प्रा. वसंत कानेटकर लिखित आणि राजा अत्रे दिग्दर्शित ‘छुमंतर’ हे विनोदी नाटक सध्या चांगलेच चर्चेत आहे. या नाटकाला प्रेक्षकांचा चांगला प्रतिसाद मिळत आहे. या नाटकाचे सर्व प्रयोग हाऊसफुल्ल होत असल्याचे पाहायला मिळत आहे. पण या नाटकाच्या टीमने समाजापुढे एक नवा आदर्श निर्माण केला आहे. छुमंतर या मराठी नाटकात काम करणाऱ्या देवेंद्र सरदार यांनी याबाबत सोशल मीडियावर एक पोस्ट लिहिली आहे.