खेळण्याच्या तंत्रात प्रभुत्व मिळवलेल्या राहुलने दक्षिण आफ्रिकेविरुद्धच्या पहिल्या टी-२० सामन्यात आपल्या बुद्धिमान खेळीमुळे चाहत्यांची मने जिंकली. त्याने १०० पेक्षा कमी स्ट्राईक रेटने धावा केल्या असल्या तरी तो शेवटपर्यंत नाबाद राहिला आणि विजयासाठी फटकेबाजीही केली.
केएल राहुलचा जन्म १८ एप्रिल १९९२ रोजी मंगळूर येथे केएल लोकेश आणि राजेश्वरी यांच्या घरी झाला. त्याचे वडील नॅशनल इन्स्टिट्यूट ऑफ टेक्नॉलॉजी कर्नाटक येथे प्राध्यापक आहेत आणि आई राजेश्वरी मंगळूर विद्यापीठात प्राध्यापक आहे. केएल राहुलचे वडील सुनील गावस्करचे खूप मोठे चाहते आहेत. त्यामुळे त्यांनीही आपल्या मुलाचे नाव राहुल ठेवले.
अभ्यासात खूप हुशार
के एल राहुल क्रिकेटच्या पिचवर चांगली काम करतोय. दरम्यान त्याने बालवयात असताना शिक्षणातही चांगला परफॉर्मन्स दिला आहे. राहुलला शाळेपासून कॉलेजपर्यंतच्या परीक्षांमध्ये खूप चांगले गुण मिळाले आहेत. राहुलचे शालेय शिक्षण एनआयटीके इंग्लिश मीडियम स्कूलमधून झाले. राहुलने वयाच्या अवघ्या दहाव्यावर्षी क्रिकेट प्रशिक्षण सुरू केले आणि क्लब सामने खेळायला सुरुवात केली.
राहुल ग्रॅज्युएट
शिक्षण करत असतानाच राहुलला क्रिकेटचे वेड लागले होते. क्रिकेटवरील प्रेमामुळे राहुलने बी.कॉम करण्याचा निर्णय घेतला आणि श्री भगवान महावीर जैन महाविद्यालयातून पदवीचे शिक्षण पूर्ण केले. अभ्यासाबरोबरच त्याने सरावही अखंड सुरू ठेवला. केएल राहुलने त्याच्या प्रभावी कामगिरीमुळे आयसीसी अंडर-१९ क्रिकेट विश्वचषक स्पर्धेत भारतीय संघात आपले स्थान निर्माण केले. आता तो भारतीय आंतरराष्ट्रीय क्रिकेट संघाच्या तिन्ही फॉरमॅटचा महत्त्वाचा भाग आहे.
केएल राहुल आणि अथिया शेट्टीचे नाते
क्रिकेटर केएल राहुल आणि बॉलिवूड अभिनेत्री अथिया शेट्टी यांच्या लग्नाची चर्चा अनेक दिवसांपासून सुरू आहे. सूत्रांनी दिलेल्या माहितीनुसार, दोघेही लवकरच लग्नबंधनात अडकणार आहेत. राहुल आणि अथियाने गेल्यावर्षी त्यांच्या नात्याबद्दल खुलासा केला होता. तेव्हापासून त्यांच्या लग्नाबद्दल चाहत्यांमध्ये उत्सुकता आहे.