आकाशात दिसणार अद्भूत नजारा! दोन सूपरमून आणि… ऑगस्ट महिन्यात खगोलीय घटनांची पर्वणी

Supermoon 2023 : ऑगस्ट महिन्याचा पहिलाच दिवस खगोलप्रेमींसाठी मोठी पर्वणी ठरणार आहे. 1 ऑगस्ट रोजी आकाशात  अद्भूत नजारा दिसणार आहे. खगोल प्रेमींना आकाशात सूपरमून पाहण्याची संधी मिळणार आहे. चंद्राचे असे सौंदर्य कधी पाहिले नसेल. 1 ऑगस्टच्या मध्यरात्री आणि 2 ऑगस्टला पहाटे आकाशात ‘सुपरमून’ दिसणार आहे. यामुळे हा सूपरमून पाहण्याची संधी अजिबात सोडू नका. ऑगस्ट महिन्यात खगोलीय घटनांची पर्वणीच पहायला मिळणार आहे.   

एका महिन्यात दोन सूपरमून 

ऑगस्ट  या एका महिन्यात दोन सूपरमून दिसणार आहेत. पहिला सुपरमून हा उद्याच्या 1 ऑगस्टच्या रात्री दिसणार आहे. तर दुसरा सुपरमून हा 30 ऑगस्टला  दिसणार आहे.
ऑगस्ट महिन्यात दिसणारा सुपरमून हा आतापर्यंत दिसलेल्या सुपरमून पेक्षा जास्त मोठा असणार आहे असा खगोल तज्ञांचा अंदाज आहे. कारण, 1 ऑगस्टच्या रात्री चंद्र पृथ्वीच्या अतिशय जवळ येणार आहे. याआधीचे सूपरमून पेक्षा हा चंद्र अतिशय मोठा दिसणार आहे.  

ऑगस्ट महिन्यादरम्यान पृथ्वी आणि चंद्राच्या चारही कक्षा 5 डिग्रीच्या अंशाने झुकलेल्या स्थितीत असतात. यामुळेच 1 ऑगस्टला दिसणारा चंद्राला स्टर्जन मून असं म्हटलं जाते. 1 ऑगस्टला चंद्र जास्त चमकदार आणि मोठ्या आकाराचा दिसणार आहे.  सूर्यास्तानंतर चंद्र दक्षिण-पूर्व क्षितिजावर येईल तेव्हा देखील अद्भुत असे खगोलीय दृष्य पाहण्याची पर्वणी आहे.

हेही वाचा :  घटस्फोटानंतर 5 वर्षांनी पुन्हा तिच्यासोबतच थाटला संसार, 'त्या' एका घटनेने बदललं जोडप्याचे आयुष्य

30 ऑगस्टला ब्लू मून दिसणार

30 ऑगस्टला ब्लू मून दिसणार आहे. ब्लू मून ही अत्यंत दुर्मिळ घटना आहे. चंद्राच्या रंगाशी त्याचा काहीही संबंध नाही.  यावेळी ऑगस्ट महिन्यातही दोन पौर्णिमा आहेत, त्यामुळे दुसऱ्या पौर्णिमेच्या दिवशी सुपर ब्लू मून दिसणार आहे. यापूर्वी 22 ऑगस्ट 2021 मध्ये असा  ब्लूमून दिसला होता.

झिरो शॅडो डे

ऑगस्ट महिन्यात 18 तारखेला झिरो शॅडो डे अर्थात शून्य सावली दिवस असणार आहे. जेव्हा सूर्य आपल्या पृथ्वीच्या अगदी वर येतो तेव्हा ही घटना घडते. त्यामुळे कशाचीही सावली तयार होत नाही. शास्त्रज्ञांच्या मते, ही घटना आपल्या देशात कर्क आणि मकर राशीच्या मध्यभागी असलेल्या ठिकाणी किंवा शहरांमध्ये घडते. 

शनी ग्रहाभोवतीची कडा स्पष्ट दिसणार 

ऑगस्ट महिन्यात 27 ऑगस्टचा दिवसही खूप खास असणार आहे. या दिवशी आपण आकाशात आपल्या डोळ्यांनी शनि ग्रह आणि शनीचे वलय पहायला मिळणार आहे.  या दिवशी, शनी ग्रह सूर्याच्या पूर्णपणे विरुद्ध आणि पृथ्वीच्या अगदी जवळ असेल. ही एक अत्यंत दुर्मिळ खगोलीय घटना आहे. 



Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

‘मराठी माणूस यांची चड्डीपण..’, ‘बिनशर्ट’वरुन मनसेचा ठाकरेंवर हल्लाबोल; म्हणाले, ‘हिरव्या..’

Uddhav Thackeray Vs Raj Thackeray: राज्याचे माजी मुख्यमंत्री उद्धव ठाकरेंनी शिवसेनेच्या 58 व्या वर्धापनदिनानिमित्त दिलेल्या …

Video : ‘श्रीकृष्ण गोविंद हरे मुरारी…’ सी सेक्शन डिलीव्हरीदरम्यान महिलेनं गायलं डोळ्यात अश्रू आणणारं भजन

C section delivery Viral Video : आई… या शब्दाची फोड करताना आ म्हणजे आत्मा आणि …