धावत्या स्कुटीवर जोडपं करत होतं किस, तरुणाने हटकलं असता बाईकचा सायलेंसर काढून डोक्यात घातला अन् नंतर…

Crime News: जोडपं भरवस्तीत किस करत असल्याने तरुणाने त्यांना हटकलं असता त्याची हत्या करण्यात आल्याची धक्कादायक घटना समोर आली आहे. गाजियाबादमध्ये (Gaziabad) ही घटना घडली आहे. जोडपं धावत्या स्कुटीवर किस करत असताना 27 वर्षीय पीडित तरुणाने त्यांना रोखलं होतं. यानंतर आरोपी तरुणाने आपल्या मित्रांना बोलवून काठी आणि विटांनी त्याच्यावर हल्ला करत जीव घेतला. पोलिसांनी सर्व आरोपींना अटक केली आहे. 

विराट मिश्रा असं मृत तरुणाचं नाव आहे. भाजी मार्केटमध्ये दिवसा अकाऊंटंट आणि संध्याकाळी जीम ट्रेनर म्हणून तो काम करत होता. पोलिसांनी दिलेल्या माहितीनुसार, शनिवारी संध्याकाळी एल आर कॉलेजजवळ ही घटना घडली. बंटी कुमार या घटनेचा साक्षीदार असून त्यानेच याप्रकरणी पोलीस ठाण्यात तक्रार दाखल केली. 

“मनिष कुमार नावाच्या एका तरुणाला मी स्कुटीवर महिलेला किस करताना पाहिलं. विराट मिश्रा याने त्याला रोखलं आणि रहिवासी वस्तीत असे प्रकार न करण्यास सांगत हटकलं. यावर संतापलेल्या मनिष कुमारने परिसरातील आपल्या मित्रांना बोलावलं आणि काठी, विटांनी त्याला बेदम मारहाण केली. मी मध्यस्थी करत विराटला वाचवण्याचा प्रयत्न केला. पण त्यांनी मलाही मारहाण केली. यानंतर ते घटनास्थळावरुन पळून गेले,” अशी माहिती बंटीने पोलीस तक्रारीत दिली आहे.

हेही वाचा :  मोदींच्या शपथविधी सोहळ्यासाठी 7000 लोकांची उपस्थिती, या देशांच्या प्रमुखांना निमंत्रण... समोर आलं Invitation Card

विराट मिश्रा याला तात्काळ स्थानिक रुग्णालयात दाखल करण्यात आलं होतं. नंतर त्याला दिल्लीमधील रुग्णालयात हलवण्यास सांगण्यात आलं. येथे त्याचा मृत्यू झाला असं पोलिसांनी सांगितलं आहे. 

पोलिसांनी याप्रकरणी गुन्हा दाखल केला असून सर्व सहा आरोपींना अटक केली आहे. “सर्व सहा संशयितांना अटक करण्यात आली आहे. मनीष कुमार, मनीष यादव, गौरव कासना, आकाश कुमार, पंकज सिंग आणि विपुल कुमार अशी त्यांची नावं आहेत,” अशी माहिती पोलिसांनी दिली आहे. 

विराटचे वडील सुदाम मिश्रा यांनी सांगितलं आहे की “आमच्या घरात माझा मुलगाच एकमेक कमावता होता. आरोपींनी माझ्या मुलाला बेदम मारहाण केला. त्यांनी बाईकचा सायलेंसर काढून त्याच्या डोक्यात घातला”.



Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

Fathers Day 2024 : घरापासून लांब राहणारा मुलगाच समजू शकतो ही भावना; बाबा तुला कडक सॅल्यूट!

Happy Fathers Day 2024 : कोणत्याही भावनेत न बांधता येणारं, कोणत्याही शब्दांमध्ये व्यक्त न होणारं …

Quiz: असं कोणतं फळ आहे जे विमान प्रवासात घेऊन जाऊ शकत नाही?

GK Questions And Answer : फळं आणि भाज्या आपल्या आरोग्यासाठी खूप महत्वाच्या असतात. म्हणूनच हिरव्या …