ठाणे : शेअर बाजारातून अधिक परतावा देतो सांगून व्यवसायिकाला घातला ४० लाखांचा गंडा


शेअर बाजारात गुंतवणूक केल्यास २५ टक्के जादा परतावा मिळेल असे सांगून एका भामट्याने वागळे इस्टेट भागातील एका व्यवसायिकाची ४० लाख रुपयांना फसवणूक केली आहे. याप्रकरणी वागळे इस्टेट पोलीस ठाण्यात गुन्हा दाखल करण्यात आला असून पोलीस आरोपीचा शोध घेत आहेत.

वागळे इस्टेट येथील समतानगर परिसरात व्यवसायिक राहतो. काही महिन्यांपूर्वी त्याने एका समाजमाध्यमावर जाहिरात पाहिली होती. शेअर बाजारात गुंतवणूक केल्यास २५ टक्के जादा परतावा मिळेल असे त्या जाहिरातीमध्ये लिहीले होते. तसेच एक मोबाईल क्रमांकही त्यामध्ये देण्यात आला होता.

व्यवसायिकाने तात्काळ संबंधित मोबाईल क्रमांकवर संपर्क साधून गुंतवणूक करण्याची तयारी दर्शविली. जानेवारी महिन्यात व्यवसायिकाने संबंधित व्यक्तिच्या खात्यावर ४० लाख रुपये जमा केले. दाेन महिने उलटत असतानाही त्यांना परतावा मिळाला नव्हता. त्यानंतर व्यवसायिकाने त्या व्यक्तीच्या मोबाईल क्रमांकावरही संपर्क साधला. पण त्या व्यक्तीने त्याचा मोबाईल क्रमांक बंंद केला होता.

फसवणूक झाल्याचे लक्षात आल्यानंतर व्यवसायिकाने वागळे इस्टेट पोलीस ठाण्यात तक्रार दाखल केली. या तक्रारीच्या आधारे गुन्हा दाखल करण्यात आला असून पोलीस आरोपीचा शोध घेत आहेत.

The post ठाणे : शेअर बाजारातून अधिक परतावा देतो सांगून व्यवसायिकाला घातला ४० लाखांचा गंडा appeared first on Loksatta.

हेही वाचा :  “ठाण्यात कोणाचं लग्न झालं, मुलगा झाला तरी श्रेय घ्यायची सवय”, फडणवीसांच्या आरोपावर जितेंद्र आव्हाडांचं प्रत्युत्तर, म्हणाले…

Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

Fathers Day 2024 : घरापासून लांब राहणारा मुलगाच समजू शकतो ही भावना; बाबा तुला कडक सॅल्यूट!

Happy Fathers Day 2024 : कोणत्याही भावनेत न बांधता येणारं, कोणत्याही शब्दांमध्ये व्यक्त न होणारं …

Quiz: असं कोणतं फळ आहे जे विमान प्रवासात घेऊन जाऊ शकत नाही?

GK Questions And Answer : फळं आणि भाज्या आपल्या आरोग्यासाठी खूप महत्वाच्या असतात. म्हणूनच हिरव्या …