TET Scam: बोगसगिरीत नाशिक अव्वल; राज्यभरातील ७,८०० बोगस प्रमाणपत्रे दिल्याची माहिती

म. टा. प्रतिनिधी, नाशिक

बोगस टीईटी प्रमाणपत्र मिळविणाऱ्यांमध्ये राज्यभरातील विभागात नाशिक जिल्ह्यातील सर्वाधिक उमेदवार असल्याचे समोर आले आहे. राज्यभरातील ७ हजार ८०० बोगस प्रमाणपत्रांपैकी २ हजार ७७० बोगस प्रमाणपत्रे नाशिक जिल्ह्यातील उमेदवारांची असल्याची माहिती चौकशीदरम्यान पुढे आली असून, हा आकडा सर्व विभागांपेक्षा अधिक आहे.

शिक्षक पात्रता परीक्षा (टीईटी) देऊन पात्रता मिळविणाऱ्या राज्यभरातील उमेदवारांपैकी ७ हजार ८०० उमेदवारांना गैरमार्गाने टीईटी प्रमाणपत्रे दिल्याचे समोर आले होते. यादरम्यान सुरू असलेल्या पोलिस चौकशीमध्ये मालेगावच्या मुकुंद सूर्यवंशीला सायबर पोलिसांनी अटक केली असून, त्याच्याकडून पोलिसांना ही माहिती मिळाली आहे. या माहितीनुसार बोगस प्रमाणपत्रे मिळालेल्या उमेदवारांपैकी नाशिक विभागातील उमेदवार २ हजार ७७० असून, ही संख्या अन्य विभागांच्या तुलनेत अधिक आहे. याबाबत सूत्रांनी दिलेल्या माहितीनुसार तत्कालीन शिक्षण उपसंचालक रामचंद्र जाधव व शिक्षणाधिकारी प्रवीण अहिरे यांच्या कार्यकाळामध्ये ही प्रमाणपत्रे मिळालेल्यांची संख्या अधिक असण्याची शक्यता आहे. तसेच यामध्ये विविध शिक्षक संघटनांच्या पदाधिकाऱ्यांचे हितसंबंध गुंतलेले असल्याची माहितीही सूत्रांमार्फत देण्यात आली.

गैरमार्गाने टीईटी प्रमाणपत्र मिळविल्याचे प्रकरण बाहेर आल्यानंतर हे बोगस प्रमाणपत्र मिळलेले उमेदवार शोधण्यासाठी राज्य परीक्षा परिषदेने राज्यभरातील शिक्षणाधिकाऱ्यांना सूचना दिल्या होत्या. त्यानुसार २०१३ ते २०१९ या कालावधील टीईटी पात्रता प्राप्त केलेल्या व शिक्षक म्हणून रुजू झालेल्या उमेदवारांची यादी पाठविण्यची सूचना या शिक्षणाधिकाऱ्यांनी मुख्याध्यापकांना केली होती. त्यानुसार नाशिक जिल्ह्यातील ३८८ शिक्षकांची यादी शिक्षण विभागामार्फत शोधण्यात आली होती. जि. प. प्राथमिक विभागातील २९७, तर माध्यमिक विभागातील ९१ शिक्षकांचा यामध्ये समावेश आहे.

हेही वाचा :  आता कुणाला डोळा मारला? पक्ष-चिन्हाच्या प्रश्नावर अजित पवारांची 'ती' कृती कॅमेरात कैद

CTET Result 2022: केंद्रीय शिक्षक पात्रता परीक्षेचा निकाल जाहीर

धुळे, जळगावची अधिक प्रकरणे

राज्यभरातील बोगस प्रमाणपत्र मिळविणाऱ्यांची यादी काही महिन्यांपूर्वी पुढे आल्यानंतर आता संपूर्ण राज्यात नाशिक विभागामधील बोगस उमेदवार अधिक असल्याचे निदर्शनास आले आहे. याबाबत शैक्षणिक क्षेत्रातील व्यक्तींशी संपर्क साधला असता, नाशिक विभागातील नाशिक, धुळे, जळगाव व नंदुरबार या जिल्ह्यांपैकी जळगाव व धुळे जिल्ह्यातील बोगस उमेदवार अधिक असल्याचा दावा केला जात आहे. यामुळे नाशिक शिक्षण विभागातील तत्कालीन अधिकाऱ्यांवरील संशय आता बळावत आहे.

धक्कादायक! राज्यात तब्बल १९ लाख बोगस विद्यार्थी; शासनानेच न्यायालयात सादर केली आकडेवारी
बारावीची परीक्षा मंडपात! दहावीच्या परीक्षेत तरी सुविधा पुरवा

Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

पिंपरी चिंचवड महानगरपालिका अंतर्गत फायरमन पदांची भरती

Pimpri Chinchwad Municipal Corporation Invites Application From 150 Eligible Candidates For Fireman Posts. Eligible Candidates …

अहमदनगर जिल्हा न्यायालय अंतर्गत सफाईगार पदांची भरती

Ahmednagar District Court  Bharti 2024 – Ahmednagar District Court Invites Application From 02 Eligible Candidates …