सुखी वैवाहिक आयुष्यासाठी सुधा मूर्तींनी सांगितला गुरूमंत्र, एकदा वाचून तर पहा संपूर्ण आयुष्य बदलून जाईल

एकमेकांच्या विभिन्न गोष्टींचा आदर करा

सुधा मूर्तीनी एका मुलाखती दरम्यान सुखी जीवनासाठी एकमेकांच्या विभिन्न गोष्टींचा आदर करण्याचा सल्ला दिला. दोन व्यक्ती कधीच एकमेकांसारख्या नसतात. प्रत्येक व्यक्ती वेगळा आहे. त्यामुळे प्रत्येक जीवाचा आदर करा. यामुळे तुमच्या नात्याला नवे तेज येईल. आणि नात्यातील वाद कमी होण्यास मदत होईल. त्यामुळे एकमेकांच्या विभिन्न गोष्टींचा आदर करा.

(वाचा :- आईविना पोर, पण मुलाने मला ओळख दिली, समीर चौगुलेंच्या वडिलांच्या डोळ्यात पाणी, असं करा बापलेकाचं नातं घट्ट) ​

एकमेकांवर नियंत्रण ठेवू नका

जोडीदाराला स्पेस देणं महत्त्वाचं आहे, असं सुधा मूर्ती मानतात. वैवाहिक जीवनामागे हे एक महत्त्वाचे कारण म्हणजे एकमेकांच्या आवडीचा आदर करा. एकमेकांवर नियंत्रण ठेवू नका. तुम्ही दोघे भिन्न आहेत परंतु अशात त्यांनी एकमेकांच्या जागेचा आणि आवडीचा आदर केला पाहिजे. असे केल्यास तुमच्या जोडीदाराच्या मनात तु्मच्या बद्दल आदर निर्माण होईल.
(वाचा :- दिल्ली क्राईममधील वर्दीतील ऑफिसर ते वनपीसमधील ग्लॅमरस अदा, 49 व्या वर्षी शेफाली शाह अगदी फाईन वाईन)

व्यस्त जोडपे आनंदी जोडपे

तुमचा जोडीदार प्रत्येक गोष्टीत तुमच्या सोबत असेलच असे नाही त्यामुळे त्यांची जागा समजून घेण्याचा प्रयत्न करा. त्यामुळे परस्पर समजूतदारपणा दाखवा. जर तुम्ही कामामध्ये बिझी असाल तर भांडण किंवा वाद करण्यासाठी तुमच्याकडे वेळच नसेल त्यामुळे कामात व्यस्त राहण्याचा प्रयत्न करा.

एकमेकांना स्विकारा

तुमच्या जीवनाची तुलना इतरांसोबत करु नका. तुम्ही जे आयुष्य जगत आहात त्यामध्ये आनंदी राहण्याचा प्रयत्न करा यामुळे तुम्हाला त्रास होणार नाही. तुमची स्पर्धा स्वत:शी आहे त्यामुळे प्रत्येक दिवसापेक्षा चांगले वागण्याचा प्रयत्न करा.एकमेकांबद्दल कृतज्ञता दाखवा त्यामुळे तुमच्यात प्रेम वाढू शकेल. त्यामुळे तुमच्या जोडीदाराला कोणत्याही परिस्थीतमध्ये स्विकारण्याची तयारी दाखवा.

(वाचा :- Mahashivratri 2023: कोणी अंगठी घातली तर कोणी जॅकेटवर लिहिले ‘ओम’, बॉलिवूडचे हे कलाकार शिवभक्तीत लीन)

सकारात्मक विचारसरणी

ज्या व्यक्तीचा विचारसरणी सकारात्मक आहे अशा व्यक्तीसोबत तुम्ही सुखाचे वैवाहिक आयुष्य जगू शकता. सकारात्मक दृष्टीकोन ठेवून तुम्ही आयुष्यात खूप काही साध्य करु शकता. त्यामुळे तुमच्या जोडीदाराचे विचार कसे आहेत या गोष्टीकडे एकदा लक्ष द्या.