पूर्णवेळ नोकरीसोबतच यूपीएससी परीक्षेची तयारी करू इच्छिणाऱ्या सर्व इच्छुकांसाठी कुणालची कहाणी प्रेरणादायी आहे.शिकतीनगर, थेरवाडी येथे राहणारा कुणाल सुरुवातीपासूनच अभ्यासात खूप हुशार होता. तो जैन पब्लिक स्कूलमधून बारावीच्या बोर्ड परीक्षेत नॉन मेडिकल प्रकारात जिल्ह्यामध्ये अव्वल ठरला. यानंतर कुणालने दिल्लीच्या सेंट स्टीफन्स कॉलेजमधून बीएससी पूर्ण केले. त्यांने नॉन-मेडिकल स्ट्रीममध्ये रसायनशास्त्राचे शिक्षण घेतले.
२०१५ पासून तयारीला सुरुवात
आयएएस कुणाल यादवने २०१५ मध्ये पदवीनंतर प्रशासकीय सेवेसाठी तयारी सुरू केली. २०१५ मध्ये त्याने पहिल्यांदा एसएससी सीजीएल परीक्षा उत्तीर्ण केली. पण त्याला ही नोकरी आवडली नाही म्हणून त्याला त्यात जॉईन व्हायचे नव्हते. नंतर त्याने स्टेट बँक ऑफ इंडियामध्ये पीओ पदासाठी अर्ज केला आणि त्यातही त्यांची निवड झाली.
दररोज १० ते १२ तास अभ्यास करणार्या आयएएस कुणाल यादवने यूपीएससी परीक्षा २०२० च्या दुसऱ्या प्रयत्नात १८५ वा क्रमांक मिळविला. आयएएस प्रशिक्षणानंतर, २०२१ मध्ये त्याची दिल्लीच्या आयकर विभागात निरीक्षक म्हणून नियुक्ती झाली. यूपीएससी परीक्षेची तयारी नोकरीसोबतच करता येते याचे तो मुर्तिमंत उदाहरण आहे. आपण दररोज दहा ते बारा तास काम करायचो असे तो सांगतो.