Stranger Anxiety म्हणजे नेमकं काय, लहान मुलांमध्ये प्रमाण वाढतंय

आपल्या घरातील मुलं सुरक्षित राहावीत यासाठी त्यांना लहानपणासूनच आपण जपत असतो. तर मुलांनाही लहानपणापासूनच आपले आणि परके यातील अंतर कळते. पण काही मुलांना परकी माणसं पाहून एक वेगळीच भीती वाटते आणि अशी मुलं परक्या माणसांसमोर येतच नाहीत. पण अशा परिस्थितीत मुलांची ही भीती काढून त्यांना योग्य ती सवय लावण्याची जबाबदारी ही नक्कीच त्यांच्या पालकांची असते. केवळ आपली मुलं घाबरतात म्हणून माणसांनाच त्यांच्यापासून दूर ठेवणं अयोग्य आहे. अनोळखी माणसांबाबत ही भीती कदाचित योग्य ठरू शकते. पण घरातील नेहमी पाहण्यातील माणसं नसतील आणि अचानक समोर आल्यानंतरही मुलं घाबरत असतील तर ही स्ट्रेंजर एन्क्झायटी काढून टाकणं हे पालकांचेच कर्तव्य आहे. कारण ही भीती वाढणं त्यांच्या विकासात बाधा निर्माण करू शकते.

काय आहे Stranger Anxiety?

-stranger-anxiety

लहान मुलांमध्ये Stranger Anxiety हे कॉमन आहे. मात्र प्रत्येकाला याची जाण होतेच असं नाही. हे तर मुलं करतातच अशा भ्रमात आईवडील राहतात. स्ट्रेंजर एन्क्झायटी म्हणजे डिस्ट्रेस बेबीचे एक स्वरूप असे म्हटले जाते. लहान मुलांना तेव्हाच भीती वाटते जेव्हा ते अनोळखी व्यक्तींच्या संपर्कात येतात. ओळखीचा चेहरा दिसला नाही तर त्यांना भीती वाटायला सुरूवात होते. बऱ्याचदा हे मुलांच्या विकासासाठी योग्य आणि चांगले लक्षण मानले जाते. मात्र त्याची लेव्हल किती कमी जास्त आहे यावर हे अवलंबून असते. Anxiety Level ही प्रत्येक लहान मुलांमध्ये वेगवेगळी दिसून येते. काही मुलं लाजाळू असतात, तर काहींना जास्तच भीती वाटते, तर काही मुलं प्रमाणापेक्षा जास्त बिनधास्त असतात आणि त्यांना कोणाचीही ओळख लागत नाही. पण बहुतांश मुलांमध्ये Stranger Anxiety आढळून येते.

हेही वाचा :  योग्य वयात व झटपट बनायचं आहे आई-बाबा? मग आयुर्वेदिक डॉक्टरांनी सांगितलेल्या ‘या’ सीक्रेट टिप्स एकदा ट्राय कराच..!

लहान मुलांना भीती का वाटते?

ज्यांच्यासह जास्त वेळ घालवला जातो त्यांना मुलं अधिक प्रमाणात ओळखतात आणि त्यांच्याबरोबरच रमतात. सतत आपल्या माणसांबरोबरच राहावं असा मुलांचा दृष्टीकोन असतो. आई-बाबांचा चित्र मुलांच्या मनात पक्के झालेले असते. Stranger Anxiety साधारण किती वेळ मुलांमध्ये असते याचा काही ठराविक कालावधी नाही. ६ महिने अथवा त्यापेक्षा अधिक काळदेखील मुलांना अनोळखी व्यक्तींची भीती वाटू शकते. मुलं अधिकाधिक लोकांमध्ये मिसळू लागतात तशी त्यांची ही भीती कमी होते. एका सर्व्हेनुसार मुलींमधील Stranger Anxiety ही लवकर कमी होते. तर मुलांमध्ये साधारण २ वर्षांमध्ये ही समस्या राहाते. त्यांना इतरांशी मिळूनमिसळून राहण्यास समस्या उद्भवल्यामुळेच ही भीती मनात घरात करून राहाते.

(वाचा – Meta ने आईला जॉबवरून काढलं, ६ वर्षांच्या मुलीने साजरा केला आनंद, आई-मुलीचं खास नातं)

लहान मुलांमधील Stranger Anxiety ची लक्षणे

-stranger-anxiety-

आता नक्की ही समस्या ओळखायची कशी असा प्रश्न पालकांना पडू शकतो. पण लहान मुलांमधील Stranger Anxiety ची लक्षणे ओळखणे तसं कठीण नाही. ही काही महत्त्वाची लक्षणे तुम्हाला माहीत असायला हवीत

  • इतर आपल्या वयाच्या अथवा इतर मुलांशी बोलण्यातही मुलं कचरतात
  • एखादी व्यक्ती वेगळी दिसत असेल तर मुलांच्या चेहऱ्यावर भीती पटकन दिसून येते
  • अनोळखी व्यक्तींसह एकाच खोलीत मुलं राहिली तर भीतीने रडायला लागतात
  • काही मुलं न रडता भीतीमुळे जोरजोरात श्वास घेऊ लागतात आणि मग आपल्या जवळच्या व्यक्तींना शोधायला लागतात
  • अनोळखी व्यक्तींना पाहिल्यानंतर आईवडिलांच्या मागे अथवा कोणत्याही वस्तूमागे मुलं लपतात
  • अनोळखी व्यक्तींना पाहणं या मुलांना आवडत नाही
हेही वाचा :  Nashik latest news: Big News बिबट्याच्या हल्ल्यात सहा वर्षीय मुलाचा मृत्यू ; परिसरात दहशतीचं वातावरण

तुमचीही मुलं अशा पद्धतीने वागत असतील तर त्यांना नक्कीच Stranger Anxiety ची समस्या आहे. तुम्ही यावर वेळीच त्यांची भीती घालविण्यासाठी काम सुरू करू शकता.

(वाचा – पालकांच्या या ५ चुका मुलांना बनवतात स्वार्थी आणि जिद्दी)

स्ट्रेंजर एन्क्झायटीसंबंधित समस्या

स्ट्रेंजर एन्क्झायटी असणाऱ्या मुलांना सांभाळणं थोडं कठीण असतं. तर मुलांचे असं वागणं बघून घरात आलेले नातेवाईकदेखील थोडे अवघडून जातात आणि नेहमी व्यवस्थित वागणारे मूल अचानक असे का वागू लागले आहे हे पालकांच्या लक्षात न आल्यामुळे त्यांचाही गोंधळ उडतो. इतकंच नाही तर मुलांची ही समस्या असेल तर मुलांना बेबीसिटींग अथवा क्रशमध्ये ठेवणंही कठीण होते. अशी मुलं एकलकोंडी होऊ शकतात. त्यामुळे ही समस्या वेळीच ओळखून त्यावर उपचार करणे आवश्यक आहे.

(वाचा – या ६ गोष्टी करा आणि मुलांना स्मार्टफोन आणि टीव्हीपासून दूर ठेवा, प्रत्येक पालकांसाठी उपयुक्त टिप्स)

यापासून मुलांना कसे ठेवाल दूर

स्ट्रेंजर एन्क्झायटी कमी करण्यासाठी तुम्ही एखाद्या नव्या व्यक्तीला आपल्या मुलाशी बोलू द्या आणि त्यांच्यासह अधिक वेळ घालवा, जेणेकरून त्यांची भीती कमी होऊ शकते. तसंच घरी आलेल्या नातेवाईकांना आपल्या मुलाबाबत पहिल्यांदाच सांगून ठेवा. त्याच्या या भीतीबाबत सांगितल्यास नातेवाईक लगेच त्याला उचलून घ्यायला अथवा जवळ जाणार नाहीत आणि जेव्हा भेटतील तेव्हा तुम्ही तिथे उपस्थित राहा आणि तुम्ही त्यांची ओळख करून द्या. असं केल्यामुळे मुलांना अधिक सुरक्षित वाटते. नव्या लोकांना भेटून आणि मिळूनमिसळूनच त्यांची ही भीती जाऊ शकते. स्ट्रेंजर एन्क्झायटी ही एका दिवसात अथवा एका आठवड्यात निघून जात नाही. त्यामुळे तुमच्या मुलांना यातून बाहेर पडण्यासाठी एक विशिष्ट वेळ द्या.

हेही वाचा :  8 वर्षाच्या मुलाला पालकांनी जबरदस्तीने रात्रभर पाहायला लावला टीव्ही, टीव्हीचं वेड म्हणून दिली ही शिक्षा

पालक म्हणून याबाबत तुम्ही आपल्या मुलांकडे लक्ष द्या आणि त्यांनाही अशा समस्या असतील तर वेळीच त्याकडे लक्ष पुरवायला लागा. म्हणजे मुलांचा विकास योग्य मार्गाने होईल.

(फोटो क्रेडिट : Freepik.com)

Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

‘मराठी माणूस यांची चड्डीपण..’, ‘बिनशर्ट’वरुन मनसेचा ठाकरेंवर हल्लाबोल; म्हणाले, ‘हिरव्या..’

Uddhav Thackeray Vs Raj Thackeray: राज्याचे माजी मुख्यमंत्री उद्धव ठाकरेंनी शिवसेनेच्या 58 व्या वर्धापनदिनानिमित्त दिलेल्या …

घरातील नोकरचाकरांना 654 रुपये पगार, पण कुत्र्यांवर खर्च केले 8,09,384; हे’ भारतीय अब्जाधीश कुटुंब अडकलं वादात

Hinduja Family Accused Of Exploiting Staff : जगभरातील अनेक धनाढ्य कुटुंबांविषयी, त्यांच्या जीवनशैलीविषयी सामान्यांना कायमच …