‘आमच्या घरी १२ महिने…’, लेकीचा हटके व्हिडीओ पोस्ट करत सोनाली कुलकर्णीने दिल्या ‘मराठी भाषा दिना’च्या शुभेच्छा

तिने शेअर केलेल्या या व्हिडीओत तिची मुलगी कावेरी ही गुढीपाडवा सणाबद्दल माहिती सांगताना दिसत आहे. कावेरीने एका फळ्यावर गुढीचे चित्र रेघाटलं आहे. त्यानंतर तिची आई तिला याबद्दलची माहिती विचारते. यावर कावेरी ही फार गोड आवाजात मराठीत याचे उत्तर देते. यावेळी ती चुकून कडुलिंबऐवजी कडिपत्ता असेही म्हणते. यावर सोनाली जोरजोरात हसू लागते.

इतकच नव्हे तर सोनालीने तिच्या फळ्यावर केलेल्या मराठीच्या अभ्याचे काही जुने फोटोही तिने शेअर केले आहेत. यातील दोन फोटोंमध्ये कावेरीचा अभ्यास पाहायला मिळत आहे. तर शेवटच्या फोटोत तिच्या आजी-आजोबांनी तिच्यासाठी लिहिलेला एक गोड संदेश पाहायला मिळत आहे. ‘कावेरी ही खूप गोड मुलगी आहे. आमच्या नातीचा आम्हाला अभिमान आहे’, यावर लिहिले आहे.

“माफ करा मला…”, कर्करोगाशी झुंज देणाऱ्या अभिज्ञा भावेच्या पतीची भावनिक पोस्ट

दरम्यान सोनालीने शेअर केलेला हा व्हिडीओ सध्या सोशल मीडियावर तुफान व्हायरल होत आहे. विशेष म्हणजे या व्हिडीओखाली अनेक कलाकार मंडळी कमेंट करताना दिसत आहे. त्यासोबत अनेक नेटकऱ्यांनी फार छान अशा विविध कमेंट या पोस्टवर केल्या आहेत.