स्कर्टची फॅशन करतोय हा डान्सर आणि होतोय बॉलीवूडमध्येही प्रसिद्ध, #menskirt होतोय ट्रेंडिंग

काय आहे जैनिलची लाँग स्कर्ट स्टाईल

जैनिलला लहानपणापासूनच डान्सची आवड होती आणि त्याला लाँग स्कर्ट आणि त्यात केल्या जाणाऱ्या गरबांच्या स्टेप्स याचे प्रचंड आकर्षण होते. त्याने त्याची हीच आवड त्याची फॅशन बनवली आणि हीच स्टाईल आता वेगवेगळ्या बॉलीवूड स्टार्सनाही आकर्षित करत आहे असं दिसून येत आहे. रणवीर सिंगलाही अनेकदा मेनस्कर्ट स्टाईमध्ये पाहण्यात आलं आहे. #Menskirt स्टाईल सध्या जागतिक पातळीवरही ट्रेंडिंग होताना दिसून येत आहे.

शर्टाला मॅच असणारी रंगबेरंगी स्कर्ट स्टाईल

गाण्याला अनुसरून बऱ्याचदा स्कर्टची स्टाईल जैनिल करताना दिसून येतो. इतकंच नाही तर गरबासह क्लासिकल नृत्यांमध्येही जैनिल अशी फॅशन वापरतो. त्यामुळे जी मुलं सध्या क्लासिकल नृत्याचे प्रशिक्षण घेत आहेत, तेदेखील जैनिलच्या फॅशनवरून प्रेरणा घेऊन कथकसाठी अशी स्टाईल नक्कीच करू शकतात. ‘मोहे रंग दो लाल’ या गाण्यावरील त्याचा व्हिडिओदेखील व्हायरल झाला आहे.

(वाचा – उर्फी जावेदचं साडीतलं सौंदर्य पाहून तुम्ही म्हणाल ‘ही तीच ऊर्फी आहे?’)

प्लेन शर्ट आणि कॉटन स्कर्ट

पांढरा शर्ट हा कधीच फॅशनमध्ये जुना होत नाही. जैनिलने अशीच पांढऱ्या शर्टाची आणि त्याखाली लाईट निळ्या रंगाच्या स्कर्टची फॅशन केली आहे. हे फॅशन पाहताना कुठेच विचित्रपणा वाटत नाही. याचे कारण म्हणजे स्कर्ट कॅरी करताना जैनिलचा असणारा आत्मविश्वास. अत्यंत हसऱ्या चेहऱ्याने दिलेली जैनिलची पोझ त्याचा आत्मविश्वासच जाणवून देते आहे.

(वाचा – मराठमोळ्या वैद्यांची सून आहे खूपच स्टायलिश, दिशा परमारचे स्टनिंग लुक्स)

गुजराती गरबा स्टाईल स्कर्ट

नाचताना कम्फर्ट लेव्हल महत्त्वाची असते. पण जैनिलची ही स्टाईल अत्यंत कम्फर्टेबल असेल याचा अंदाज त्याचे नृत्य पाहून येते. अशा स्टाईलमध्येच त्याचे अनेक व्हिडिओ आहेत. आणि केवळ भारतीयच नाही तर अनेक परदेशी कलाकारांनीही या स्कर्ट स्टाईलची कॉपी केलेलीही दिसून आले आहे.

केवळ मुलींनाच स्कर्ट चांगला दिसतो असं नाही तर सध्या मुलांमध्येही स्कर्टची ही क्रेझ वेगवेगळ्या देशांमध्ये दिसून येत आहे. कोणत्याही ठिकाणी काहीतरी वेगळी स्टाईल करून जायचे असेल अथवा नवरात्रीच्या सणासाठीही ही स्टाईल मुलांना करता येईल.

(फोटो क्रेडिटः Jainil Mehta Instagram)

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com