मराठा आरक्षणासाठी शिंदे गटाच्या खासदाराचा राजीनामा; आणखी कोण आहे राजीनामा देण्याच्या तयारीत?

Maratha Reservation :  शिंदे गटाचे खासदार हेमंत पाटील (Hemant Patil) यांनी राजीनामा दिला आहे.  मराठा आरक्षण मुद्द्यावर हेमंत पाटील यांनी राजीनामा दिला आहे.  गावागावत आंदोलन आणि उपोषण होत असताना आता मराठा आंदोलनासाठी राजीनामा सत्र सुरु होण्याची चिन्ह दिसत आहेत. 

मराठा आरक्षणाच्या मागणीसाठी हिंगोलीचा खासदार हेमंत पाटील यांनी राजीनामा दिलाय. मराठा आरक्षणासाठी राजीनामा देणारे ते पहिलेच खासदार आहेत. लोकसभा अध्यक्षांच्या नावानं त्यांनी राजीनाम्यांचं पत्र दिल आहे. हेमंत पाटील हे हिंगोलीचे शिवसेना शिंदे गटाचे खासदार आहेत.

आरक्षणासाठी मी माझ्या पदाचा राजीनामा देतोय

महाराष्ट्रात मराठा समाजाचा आरक्षणाचा विषय अनेक वर्षांपासून प्रलंबित आहे. या विषयावर समाजाच्या भावना तीव्र असून, मी अनेक वर्षांपासून मराठा समाजासाठी, शेतक-यांसाठी भांडणारा कार्यकर्ता आहे. आरक्षणाच्या आंदोलनाला माझा पाठिंबा असून, आरक्षणासाठी मी माझ्या पदाचा राजीनामा देत आहे, असं त्यांनी आपल्या राजीनामा पत्रात लिहिलंय.

हेही वाचा :  मराठा आरक्षण मिळाल्यानंतरही स्वस्थ बसणार नाही, मनोज जरांगे 'ही' मोहिम घेणार हाती

जुन्नरचे आमदार अतुल बेनके यांनी मराठा आरक्षणासाठी राजीनामा देण्याची तयारी 

मराठा आरक्षणासाठी राज्यात ठिकठिकाणी राजकीय नेत्यांना गावबंदी केली असताना जुन्नरचे आमदार अतुल बेनके यांनी मराठा आरक्षणासाठी राजीनामा देण्याची तयारी दर्शवलीय. आपण लवकरच यासंदर्भात मराठा संघटनांची चर्चा करून निर्णय घेणार असल्याचं अतुल बेनकेंनी सांगितलंय. आ. अतुल बेनके यांनी मराठा आंदोलनात सहभागी होत मराठा आरक्षणाच्या लढ्यात उतरण्याचा निर्धार केलाय. 

प्रकृती खालावली असतानाही मनोज जरांगे उपोषण आंदोलनावर ठाम

प्रकृती खालावली असतानाही मनोज जरांगे उपोषण आंदोलनावर ठाम आहेत. पाणी पिण्यास तसंच वैद्यकीय उपचार घेण्यास जरांगेंनी नकार दिला आहे. आरक्षण घेतल्याशिवाय मागे हटणार नाही, असं त्यांनी दुपारी स्पष्ट केले. सरकारनं आरक्षण द्यावं, नाहीतर मराठ्यांचा सामना करावा असा इशाराही त्यांनी यावेळी दिला.

आरक्षणासाठी टोकाचं पाऊल उचलू नका

संभाजीराजे छत्रपतींनी मनोज जरांगेंसह मराठा समाजाला आवाहन केले. आरक्षणासाठी टोकाचं पाऊल उचलू नका. आत्महत्या करू नका. आरक्षणाची लढाई आपण लढत आहोत, आणि पुढे आरक्षण मिळवून देखील दाखवू. जरांगेंनी पाणी पिऊन आमरण उपोषण करावं असं आवाहन संभाजीराजेंनी केलंय.

धाराशीवमध्ये मराठा आरक्षणासाठी तरूणांनी स्वत:ला गाडून घेतलंय

धाराशीवमध्ये मराठा आरक्षणासाठी तरूणांनी स्वत:ला गाडून घेतलंय. धाराशिव जिल्ह्यातील मेडसींगा गावात तरुण आक्रमक झाले असून उच्चशिक्षित मराठा तरुणांनी स्वतःला जमिनीत गाडून घेत आंदोलन केलं. यावेळी आरक्षणाच्या मागणीसाठी मराठा तरूणांनी जोरदार घोषणाबाजीही केली. 

हेही वाचा :  'तू खूप सुंदर आहेस...', विमानात मद्यधुंद प्रवाशाने पुरुष कर्मचाऱ्यालाच जबरदस्ती केलं किस



Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

‘मराठी माणूस यांची चड्डीपण..’, ‘बिनशर्ट’वरुन मनसेचा ठाकरेंवर हल्लाबोल; म्हणाले, ‘हिरव्या..’

Uddhav Thackeray Vs Raj Thackeray: राज्याचे माजी मुख्यमंत्री उद्धव ठाकरेंनी शिवसेनेच्या 58 व्या वर्धापनदिनानिमित्त दिलेल्या …

Video : ‘श्रीकृष्ण गोविंद हरे मुरारी…’ सी सेक्शन डिलीव्हरीदरम्यान महिलेनं गायलं डोळ्यात अश्रू आणणारं भजन

C section delivery Viral Video : आई… या शब्दाची फोड करताना आ म्हणजे आत्मा आणि …