#Asksrk मध्ये शाहरुखला किती मॅरेज प्रपोजल येतात? किंग खान स्पष्टच म्हणाला…

Shah Rukh Khan Ask SRK Session : बॉलिवूडचा सुपरस्टार शाहरुख खानचा (Shah Rukh Khan) ‘पठाण’ (Pathan) हा सिनेमा बॉक्स ऑफिसवर धुमाकूळ घालत आहे. सिनेमाच्या यशादरम्यान शाहरुखने ट्विटवर ‘आस्क एसआरके’ (Ask SRK) या सेशनच्या माध्यमातून चाहत्यांशी संवाद साधला आहे. 

शाहरुख आधीच म्हणाला, मॅरेज प्रपोजल सोडून दुसरं बोला 

‘आस्क एसआरके’ दरम्यान शाहरुखने ट्वीट केलं आहे. “वाह… पुन्हा एकदा वीकेंड आला आहे. कामात असल्याने तुमच्या प्रश्नांची उत्तरं उशीरा देत आहे. चला प्रश्न विचारायला सुरुवात करा. आज मला सर्दी आहे. त्यामुळे कृपया लग्नाचा प्रस्ताव सोडून दुसऱ्या विषयावर बोला”. 

Oh wow, weekend upon us again. Should be working but have a late call….so thought will catch up with some queries. If u have any. Go ahead #AskSRK ( also no marriage proposals today as I have a cold..just saying ha ha )

— Shah Rukh Khan (@iamsrk) February 4, 2023

‘आस्क एसआरके’ या सेशनमध्ये बादशाहला लग्नासाठी खूप प्रपोज येत असतात. किंग खानचा मोठा चाहतावर्ग आहे. त्याची एक झलक पाहण्यासाठी चाहते आतूर असतात. शाहरुख ‘आस्क एसआरके’ या सेशनच्या माध्यमातून चाहत्यांच्या प्रश्नांची उत्तरं देत असतो. पण या सेशनमध्ये शाहरुखला असंख्य मॅरेज प्रपोजल येत असतात. या गोष्टीला कंटाळून शाहरुख शेवटी म्हणाला, “आता मॅरेज प्रपोजल सोडून दुसरं बोला”. 

गेल्या ‘आस्क एसआरके’ सेशनमध्ये शाहरुखला एका चाहत्याने तर मुलगी पटवण्याचा सल्ला विचारला होता. त्यावर किंग खान म्हणाला होता, “मुलगी पटवण्याचा सल्ला देण्याची ही योग्य वेळ नाही”. 

Abhi time nahi hai tips ke liye…abhi desh ka sawaal hai..!! Ha ha #Pathaan https://t.co/OjAna6zxuC

— Shah Rukh Khan (@iamsrk) January 28, 2023

शाहरुख खानचा (Shah Rukh Khan) ‘पठाण’ (Pathaan) हा सिनेमा सध्या सिनेमागृहात धुमाकूळ घालत आहे. रेकॉर्डब्रेक कमाई करत हा सिनेमा अनेक रेकॉर्ड आपल्या नावावर करत आहे. लवकरच हा सिनेमा 400 कोटींच्या कल्बमध्ये सामील होणार आहे. जगभरातील शाहरुखचे चाहते या सिनेमाचं आणि शाहरुखच्या अभिनयाचं कौतुक करत आहे. अॅक्शनचा तडका असलेल्या या सिनेमाची शाहरुखच्या चाहत्यांमध्ये प्रचंड क्रेझ आहे. कोरोनानंतर सिने-रसिकांची पावले पुन्हा एकदा सिनेमागृहाकडे वळवण्यात शाहरुखला यश आलं आहे. 

महत्त्वाच्या इतर बातम्या : 

Shah Rukh Khan : ‘पठाण’ची कमाई पाहून कसं वाटतं? चाहत्याच्या प्रश्नावर उत्तर देत शाहरुख म्हणाला,”भावा फोनचे नंबर…