राज्यातील पदवी संस्थांची केंद्र सरकारकडून निवड

म. टा. प्रतिनिधी, मुंबई

राष्ट्रीय शिक्षण धोरणाच्या शिफारशींनुसार तंत्र शिक्षणातील बहुविद्याशाखीय शिक्षण आणि संशोधन सुधारणा प्रकल्पासाठी देशातील सुमारे १५० ते १७५ पदवी संस्था आणि १०० पदविका संस्थांची केंद्र सरकारने निवड केली आहे. यामध्ये राज्यातील पदवी आणि पदविका संस्थांचाही समावेश आहे. राज्याचे उच्च व तंत्र शिक्षणमंत्री चंद्रकांत पाटील यांनी शुक्रवारी ही माहिती दिली.

केंद्र सरकारकडून या प्रकल्पांतर्गत देशातील शिक्षण संस्थांना ४ हजार २०० कोटी रुपयांचा निधी पाच वर्षांच्या कालावधीत दिला जाणार आहे. यात प्रत्येक पदवी संस्थेला १० कोटी, तर पदविका संस्थेला ५ कोटी रुपयांचे अनुदान केंद्र सरकारकडून देण्यात येणार आहे. केंद्र सरकारने या प्रकल्पासाठी देशातील एकूण १५ राज्यांची निवड केली आहे. त्यामध्ये महाराष्ट्राचा समावेश आहे, असे केंद्राच्या शिक्षण मंत्रालयाने पत्राद्वारे कळविल्याचे चंद्रकांत पाटील यांनी सांगितले.

या प्रकल्पांतर्गत शिक्षण संस्थांमधील प्रयोगशाळा, वर्गकक्ष आणि इतर शैक्षणिक सोयी-सुविधांचे आधुनिकीकरण करण्याचा विचार आहे. त्याचबरोबर अभ्यासक्रमात सुधारणा, डिजिटलीकरण, नवीन तंत्रज्ञानाचे प्रशिक्षण, संशोधनास चालना देणे, नवीन सेंटर ऑफ एक्सलन्स स्थापन करणे आणि विद्यमान सेंटर ऑफ एक्सलन्सचे बळकटीकरण करणे याचा समावेश आहे.

हेही वाचा :  SAI Recruitment 2022: भारतीय क्रीडा प्राधिकरणात नोकरी, ६० हजारपर्यंत मिळेल पगार

Success Story: पाचवेळा अपयशी पण खचला नाही; सहाव्या प्रयत्नात IES क्रॅक करुन गौरव आला देशात ४४ वा

नावीन्यपूर्ण कल्पनांना प्रोत्साहन

नावीन्यपूर्ण कल्पना आणि आणि स्वामित्व हक्कास प्रोत्साहन देणे, संस्थांमध्ये प्रशासकीय सुधारणा करून व्यवस्थापन मंडळाची स्थापना करणे, अंतर्गत गुणवत्ता हमी कक्षाची स्थापना, शिक्षकवर्गाचे प्रशिक्षण, बहुशाखीय अभ्यासक्रम सुरू करण्यासाठी हे अनुदान दिले जाणार आहे, असेही पाटील यांनी सांगितले.

नॅक मूल्यांकन प्रक्रिया न करणाऱ्या कॉलेजांचे प्रवेश बंद

परदेशी विद्यापीठात प्रवेश घेताय? आधी यूजीसीचे नवे निर्देश समजून घ्या

Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

देहू रोड कॅन्टोनमेंट बोर्ड अंतर्गत विविध पदांची भरती

Dehu Road Cantonment Board Invites Application From 11 Eligible Candidates For Balwadi Teacher & Balwadi …

भारतीय हवाई दल अंतर्गत अग्निवीरवायु पदांची भरती

Indian Air Force Agniveervayu Recruitment 2024 – Indian Air Force Invites Application From Eligible Candidates …