सतीशनी काल केली होळी साजरी, आज हार्ट अटॅकने मृत्यू, वाढलेलं वजन ठरलं हार्ट अटॅकचं कारण?

रितेश देशमुखने दिली श्रद्धांजली

हृदयविकाराचा झटका येण्यामागे काय होतं कारण?

अभिनेता सतीश कौशिक यांचे वजन गेल्या अनेक वर्षांपासून वाढले होते हे आपल्याला माहीत आहे. ज्यावर नियंत्रण ठेवण्यासाठी त्यांनी वजन कमी करण्याचाही मार्ग अवलंबला होता. पण त्यानंतरही, त्यांना म्हणावे तसे वजन कमी करता आले नाही. इंस्टाग्रामवरील त्यांचे लेटेस्ट फोटो पाहिले तर त्यातही त्यांच्या वजनात काही फरक दिसून येत नाही आहे. त्यांचे हेच वाढलेले वजन हृदयविकाराचे कारण ठरले आहे का हा आता प्रश्न उपस्थित होत आहे.

(वाचा :- किडनी 90% पेक्षा जास्त सडल्यास दिसतात ही घातक लक्षणं, रक्तातील घाण बाहेर फेकण्यासाठी करावीच लागते ही प्रक्रिया)​

जाणकार काय सांगतात?

​अमेरिकन हार्ट असोसिएशनच्या डॉक्टरांच्या मते, लठ्ठपणा हा हृदयरोगासाठी (हृदय व रक्तवाहिन्यासंबंधी रोग) साठी जबाबदार असू शकतो. कारण, जास्त वजनामुळे टाइप-2 मधुमेह, उच्च रक्तदाब, झोप विकार, डिस्लिपिडेमिया (कोलेस्टेरॉल, एलडीएल, ट्रायग्लिसराइड वाढणे) यांचा धोका वाढतो आणि या समस्यांमुळे हृदयविकाराचा झटका, हार्ट फेल्युअर यासारख्या जीवघेण्या परिस्थितींचा धोकाही वाढतो. त्यामुळे लठ्ठपणा असल्यास त्यावर त्वरित मात करणे गरजेचे होऊन बसते.

(वाचा :- World Kidney Day: किडनी खराब झाल्यास दिसतात ही 8 लक्षणं, लघवीत जळजळ, फेसाळपणा, फिकट रंग दिसल्यास करा हे 4 उपाय)

हृदय विकारांपासून कसा करावा बचाव?

अमेरिकन हार्ट असोसिएशनने म्हटले आहे की लठ्ठपणामुळे होणारा हृदयविकाराचा धोका वेट लॉस करून कमी केला जाऊ शकतो. यासोबतच तुमची जीवनशैलीही सुधारली पाहिजे. असे केल्याने केवळ हृदयाचे आरोग्य सुधारते असे नाही तर टाइप 2 मधुमेह, उच्च रक्तदाब, स्ट्रोक इत्यादींचा धोका देखील कमी होतो.
(वाचा :- H3N2 Virus Cough Fever Home Remedies : नव्या व्हायरसचं जगावर सावट, ताप व खोकला सुरू होताच करा हे 8 घरगुती उपाय)​

या टिप्स करा फॉलो

तुम्हाला जर हृदय विकारापासून दूर राहायचे असेल आणि स्वत:चा जीव वाचवायचा असेल तर काही टिप्स नक्की फॉलो करा.

1. धूम्रपान करू नका
2. दररोज किमान 30 मिनिटे शारीरिक हालचाली करा
3. ताजी फळे आणि भाज्यांचे सेवन करा
4. लो फॅट किंवा फॅट फ्री अन्नपदार्थ खा
5. संपूर्ण धान्याचे सेवन करा
6. आहारात हेल्दी फॅट्सचा समावेश करा
7. जास्त मीठ-साखर खाऊ नका
8. प्रक्रिया केलेले अन्न आणि अल्कोहोलपासून यांपासून दूर रहा.

(वाचा :- International Women’s Day वयाच्या 30 आधीच खायला घ्या हे Vitamins व Mineral, नाहीतर येईल अंथरूणात खिळण्याची वेळ)​
डिस्क्लेमर: हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.