नियमित हुक्का पिण्याने होऊ शकतो फुफ्फुसाचा कॅन्सर, वेळीच व्हा सावध!

फ्लेवर्ड हुक्का म्हणजे नेमके काय?

फ्लेवर्ड हुक्का अर्थात वॉटर पाईप अथवा शीशा (Sheesha Aka Hookah) या नावानेही ओळखला जातो. यामध्ये तंबाखू आणि अन्य घटक हीट करण्यासाठी चारकोलचा वापर करण्यात येतो असे डॉ. विवेक यांनी सांगितले. यामुळे धूर तयार होतो आणि तोंडाने यासह जोडलेल्या लांब नळीतून हा हुक्का ओढला जातो.

हुक्क्यामुळे होतो फुफ्फुसांवर परिणाम

Flavored Hookah Side Effects: डॉ. विवेक तोश्निवाल यांच्या नुसार, हुक्का स्मोकिंगमुळे सर्वाधिक प्रभाव पडतो तो फुफ्फुसांवर. हुक्क्यातील धुरामध्ये असणारे उच्च स्तरीय कार्बन मोनोक्साईड, अन्य भारी धातू आणि विषारी पदार्थ हे फुफ्फुसांना नुकसान पोहचवतात. नियमित हुक्क्याचा वापर होत असेल तर त्याचा परिणाम हा फुफ्फुसाचा कर्करोग, क्रॉनिक ऑब्स्ट्रक्टिव पल्मोनरी डिसिझ (COPD) अथवा अन्य रेस्पिरेटरी आजारांचा धोका वाढण्यात होतो.

(वाचा – Weight Loss: वजन कमी करण्यासाठी १ चमचा अळीव ठरतील फायदेशीर, लोण्यासारखी वितळेल पोटावरील चरबी)

हृदयासाठीही ठरतो हानिकारक

हुक्का प्यायल्याने हृदयाच्या आरोग्यालाही नुकसान पोहचते. हुक्क्यातील धुरामध्ये निकोटिन असते, जे हृदयातील स्पंदने आणि रक्तदाब (Blood Pressure) वाढवते. यामुळे हृदयविकाराचा धोका वाढतो आणि याशिवाय हुक्क्यातील केमिकल हे फुफ्फुसांना डॅमेज करतात, त्यामुळे ऑक्सिजनची पातळी कमी होते आणि हृदयावरील तणाव वाढतो.

(वाचा – महिलांमध्ये मोठ्या प्रमाणात वाढत आहेत हृदयविकार, जाणून घ्या कारणे आणि उपाय)

ओरल हेल्थवरही होतो परिणाम

हुक्का प्यायल्याने मौखिक आरोग्यावरही नकारात्मक परिणाम होत असून सतत गरम येत असणाऱ्या धुराच्या संपर्कात आल्याने तोंड सुजणे, तोंडातून दुर्गंधी येणे, हिरड्यांचा आजार आणि दात खराब होण्याचा धोकाही वाढतो. याशिवाय केवळ फुफ्फुसाचा कर्करोगच नाही तर ओरल कॅन्सर, इसोफेगल, कोलोरेक्टल कॅन्सर आणि ब्लॅडर कॅन्सरमध्ये वाढ होत असल्याचे दिसून येत असल्याचे डॉ. विवेक यांनी सांगितले.

(वाचा – रमजानला खाल्ल्या जाणाऱ्या खजुराचे आहेत जादुई फायदे, रोज सकाळी खा भिजवलेले ४ खजूर)

हुक्क्यामुळे होणारे अन्य नुकसान

• हुक्का अधिक करणाऱ्या पुरूषांमध्ये वंधत्वाची समस्या
• गर्भवती महिलांना पॅसिव्ह हुक्क्याच्या धुरामुळे बाळाच्या जन्माच्या वेळी लो बर्थ वेट अथवा श्वासाच्या आजाराचाही सामना करावा लागू शकतो

टीप – हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा

कॅन्सर बरा होतो की नाही