फोनचे Bluetooth नेहमी ऑन असते ? मिनिटात होऊ शकते डिव्हाइस Hack,असे राहा सेफ

Bluetooth हॅकिंग कसे काम करते?

हॅकर्स एक विशिष्ट सॉफ्टवेअर वापरतात, जे आपोआप ब्लूटूथने सुसज्ज असलेली उपकरणे शोधतात. हॅकर्स हे देखील पाहू शकतात की, तुमचे डिव्हाइस आधी कोणत्या नेटवर्कशी कनेक्ट केले गेले आहे. फोन आधीपासून कनेक्ट केलेले नेटवर्क पुरेसे विश्वासार्ह मानतो आणि भविष्यात त्यांच्याशी आपोआप कनेक्ट होतो.

वाचा: पाहा Flipkart सेलमधील टॉप १० स्मार्ट टीव्ही डील्स, ५० इंच मॉडेल मिळतेय ७६९९ रुपयांमध्ये

सायबर गुन्हेगारांना तुमच्या डिव्हाइसचे विश्वसनीय नेटवर्क माहित असल्यास, ते त्याद्वारे तुमच्या डिव्हाइसशी कनेक्ट होतात. यानंतर तुमचे डिव्हाइस हॅक होते. त्यानंतर हॅकर्स डिव्हाइसमध्ये मालवेअर इन्स्टॉल करतात. याद्वारे हॅकर्स तुमची हेरगिरी करतात. तुमचे मेसेजेस वाचतात आणि डेटा देखील चोरू शकतात.

यापासून सुरक्षित कसे राहायचे?

डिव्हाइस वापरात नसताना ब्लूटूथ डिसेबल करा. तुम्हाला फाइल्स ट्रान्सफर करायच्या असतील तर, तुम्ही Air Drop किंवा Fast Share वापरू शकता. ब्लूटूथ सेवांची प्रवेशक्षमता मर्यादित करा. हे ब्लूबगिंग टाळते. तुमच्या स्मार्टफोन, टॅबलेट आणि ब्लूटूथ सक्षम संगणकांवर तुमच्याकडे अँटीमालवेअर अॅप स्थापित असल्याची खात्री करा. एखाद्या हॅकरने तुमच्या डिव्हाइसमध्ये शिरण्याचा प्रयत्न केल्यास, अँटी-मालवेअर अॅप तुमची गोपनीयता आणि वैयक्तिक डेटा संरक्षित करताना संशयास्पद ऍक्टीव्हीटीज शोधू आणि ब्लॉक करू शकतो.

वाचा: लेटेस्ट स्मार्टफोन लाँच ते CES 2023, हे आहेत गेल्या आठवड्यातील महत्वाचे टेक अपडेट्स