या कडू पदार्थापासून तयार केलेला हर्बल चहा, नसांमधून कोलेस्ट्रॉल करेल गायब

​कोणत्याही औषधापेक्षा कमी नाही कारले​

कारल्याचा ज्युस प्याल्याने शरीराला अनेक फायदे मिळतात. यामुळे शरीराचे आतून क्लिन्झिंग होते, ज्यामुळे अनेक आजारांपासून आपला बचाव होतो. खरं तर कारल्याचे ज्युस पिणे सर्वांसाठी सोपे नसते. पण तुम्हाला कारल्याच्या रसाचा फायदा घ्यायचा असेल तर दुसरी पद्धत म्हणजे हर्बल टी बनवून घेणे. हे प्रसिद्ध नाही मात्र याचे फायदे नक्कीच कमाल करतात.

​कारल्याचा हर्बल टी बनवू शकता घरी​

कारल्याचा चहा हे एक हर्बल ड्रिंक असून शरीरासाठी पौष्टिक ठरते आणि यामुळे नसांमधील कोलेस्ट्रॉल कमी होण्यास मदत मिळते. कारल्याचे सुकलेले स्लाईस तुम्ही पाण्यात घालून हा चहा तयार करू शकता. कारल्याची चहा पावडर अथवा अर्क स्वरूपात हे उपलब्ध होते. कारल्याच्या या चहाला गोह्या चहा म्हणूनदेखील ओळख आहे. Gohyah Tea तुम्ही घरातही तयार करू शकता. कारल्याच्या ज्युसपेक्षा चहा अधिक गुणकारी ठरतो.

(वाचा – ५ गोष्टींचा कराल वापर तर त्वरीत कोसळेल कोलेस्ट्रॉल, घरच्या घरी मिळेल उत्तम रिझल्ट)

​कसा तयार करावा कारल्याचा चहा?​

• कारल्याचा चहा बनविण्यासाठी सर्वात पहिले सुकलेले अथवा ताजे कारल्याचे स्लाईस घ्या
• आता यात १ कप पाणी घालून व्यवस्थित उकळून घ्या आणि मग ते पाणी गाळा
• यामध्ये मधाचे २-३ थेंब टाकून हा चहा प्या

(वाचा – ‘Period Panty’ मासिक पाळीत वापरण्याचं प्रमाण का वाढलंय, कसा करावा वापर जाणून घेणे गरजेचे)

​सुक्या कारल्याच्या पानांचा चहा कसा बनवाल?​

कारल्याचा चहा हा सुकवलेल्या पानांपासूनही बनवता येतो. पण कारले लवकर उपलब्ध होते त्यामुळे ताज्या कारल्याचा चहा बनविणे अधिक सोपे होते. कारल्याच्या पानांचा चहा बनविण्यासाठी सर्वात पहिले पाणी उकळून घ्या आणि त्यात सुकी अथवा ताजी कारल्याची पाने घालून उकळा. त्यानंतर हे पाणी गाळा आणि त्यात मध मिक्स करून प्या.

(वाचा – महिलांमध्ये झपाट्याने वाढत आहेत चयापचयचे विकार! रोखण्यासाठी काय करावे आणि काय करू नये)

​कोलेस्ट्रॉलची पातळी होईल कमी​

कारल्याच्या चहात अँटी इन्फ्लेमेटरी घटक आढळतात. ज्याच्या मदतीने कोलेस्ट्रॉल पातळी कमी करता येते. कारल्याचा हा हर्बल टी तुम्ही दिवसातून २ वेळा पिऊ शकता. Bad Cholesterol Level कमी करण्यासाठी कारल्याचा उपयोग करून घेता येतो.

टीप – कारल्याचा ज्युस अथवा चहा पिण्यापूर्वी तुम्ही तुमच्या डॉक्टरांचा सल्ला नक्की घ्या. कोणत्याही आजारावर स्वतःहून कोणतेही उपचार करू नका. ही माहिती सामान्य ज्ञानासाठी असून याचा उपयोग करण्यापूर्वी डॉक्टरांचा सल्ला नक्की घ्या.