ओला कॅब, ओला इलेक्ट्रिक आणि ओला फायनान्शियल सर्व्हिसेस वर्टिकलमधील कर्मचाऱ्यांना नोकरी सोडून जाण्यास सांगितले जात आहे.
या आठवड्याच्या सुरुवातीला कपातीला सुरू झाल्यानंतर कंपनीने नोटिस कालावधीनुसार पॅकेज ऑफर केले. नियामक फाइलिंगनुसार, FY21 मध्ये, कंपनीच्या महसुलात ६५ टक्क्यांनी घट होऊन ६८९.६१ कोटी रुपये झाले.
ओला कंपनीची प्रतिक्रिया
ओलाच्या प्रवक्त्यांनी दिलेल्या माहितीनुसार, ‘ कंपनीच्या कार्यक्षमतेत सुधारणा करण्यासाठी आम्ही नियमितपणे रिस्ट्रक्चरिंगचा अभ्यास करत आहोत.’ आम्ही प्रमुख प्राधान्य क्षेत्रातील वरिष्ठ प्रतिभांचा शोध घेत आहोत. अभियांत्रिकी आणि डिझाइनमध्ये नावीन्य आणणे सुरू ठेवू. काही महिन्यांपूर्वी ओलाने २०० कर्मचाऱ्यांना काढून टाकण्याची योजना रद्द केली होती.
जगभरातील अनेक कंपन्यांकडून काम बंद
जगभरातील कंपन्यांमध्ये कपातीचे सत्र सुरु आहे. काही दिवसांपूर्वी Amazon ने १८ हजार नोकऱ्या कपातीची घोषणा केली होती. गुंतवणूक क्षेत्रातील दिग्गज गोल्डमन सॅक्सने जगभरात मोठ्या प्रमाणावर कपात सुरू केली आहे. कंपनीच्या नफ्यात सातत्याने घट होत असल्याचे कंपनीचे म्हणणे आहे. कंपनीच्या या कपातीमुळे ३,२०० कर्मचाऱ्यांवर परिणाम होणार आहे. ही कपात बँकांनी यावर्षी केलेली सर्वात मोठी कपात आहे.