NEET PG 2022: नीट पीजी अर्जांमध्ये दुरुस्तीसाठी विंडो खुली

NEET PG 2022: राष्ट्रीय पात्रता सह प्रवेश परीक्षा- पदव्युत्तर (NEET PG) 2022 अर्जात दुरुस्ती करण्यासाठी मंगळवार २९ मार्च २०२२ पासून सुरूवात झाली आहे. वैद्यकीय अभ्यासक्रमांच्या प्रवेशांसाठी होणाऱ्या या प्रवेश परीक्षेसाठी ज्या उमेदवारांनी आपला अर्ज जमा केला आहे आणि आता त्यांना अर्जात कुठलाही बदल वा सुधारणा करायची असेल तर दुरुस्ती विंडो उघडण्यात आली आहे. उमेदवार ७ एप्रिल पर्यंत ही दुरुस्ती करू शकतात. अर्जात दुरुस्ती करण्यासाठी उमेदवारांनी एनबीईची अधिकृत वेबसाइट nbe.edu.in वर जावे. तेथे लॉगइन करून आवश्यक ती दुरुस्ती करावी.

नॅशनल बोर्ड ऑफ एक्झामिनेशन (NBE) २६ एप्रिल रोजी पुन्हा चुकीचे किंवा लहान छायाचित्र सुधारण्यासाठी अंतिम संपादन विंडो उघडेल आणि ३० एप्रिल २०२२ पर्यंत सुरू राहील. नीट पीजी (NEET PG 2022) चे आयोजन २१ मे रोजी देश आणि विदेशातील परीक्षा केंद्रांवर केले जाणार आहे.

नीट पीजी २०२२ मध्ये दुरुस्ती कशी करावी? (NEET PG 2022)
१. सर्वात आधी वेबसाइट nbe.edu.in वर जा.
२. होमपेज वर ‘नीट पीजी २०२२’ लिंक वर क्लिक करा.
३. आपले लॉगिन तपशील भरा.
४. आता एडिट विंडो वर क्लिक करा आणि अॅप्लिकेशन फॉर्ममध्ये दुरुस्ती करा.
५. अॅप्लिकेशन मध्ये एकदा दुरुस्ती केल्यावर NEET PG 2022 अर्ज जमा करता येईल.
६. भरलेला अर्ज डाऊनलोड करा आणि भविष्यातील संदर्भासाठी एक हार्ड कॉपी घेऊन ठेवा.

नीट (NEET 2022) अॅडमिट कार्ड १ मे रोजी जारी केले जाणार आहे. अॅडमिट कार्डात उमेदवारांना परीक्षेचे शहर, परीक्षा केंद्राचा तपशील, परीक्षेसंबंधी दिशानिर्देश आणि अन्य माहिती असेल. नीट पीजी २०२२ परीक्षेचे आयोजन २१ मे रोजी होणार आहे. निकाल २० जून २०२२ रोजी जाहीर होईल. नीट पीजी संबंधी अन्य माहितीसाठी उमेदवारांनी अधिकृत वेबसाइट nbe.edu.in ला भेट द्यावी.

नीट यूजी २०२२ च्या नोटिफिकेशनसंदर्भात अपडेट, ‘या’ कारणामुळे प्रवेश वाढणार

MPSC ग्रुप सी पूर्व परीक्षेचे प्रवेशपत्र जाहीर, ‘येथे’ करा डाऊनलोड
RBI Recruitment: रिझर्व्ह बँक ऑफ इंडियामध्ये भरती, ‘येथे’ करा अर्ज