नाशिकमध्ये पोलीस चौकीतच दारूपार्टी! तर्राट पोलिसांचा व्हिडीओ व्हायरल | police drinking alcohol viral video nasik gangapur d k nagar


चौकीतच काही पोलीस कर्मचारी दारूच्या बाटल्या आणि भरलेले ग्लास असलेल्या टेबलवर दारूपार्टी करत असताना दिसले आणि स्थानिकांचा संताप झाला!

कुणाला काही समस्या आली किंवा सुरक्षेचा कोणता मुद्दा उपस्थित झाला, टवाळखोरांची तक्रार करायची झाली किंवा दारुड्यांचा त्रास होत असल्याची तक्रार करायची असेल तर सामान्यपणे आपण सगळेच जण पोलीस चौकीचा रस्ता धरतो. अशा टवाळखोरांना, बेवड्यांना पोलिसांनी वेसण घालावी अशी आपली अपेक्षा आणि त्यांचं कर्तव्य देखील असतं. पण तुम्ही अशीच एखादी तक्रार घेऊन पोलीस चौकीत गेलात आणि तिथे पोलीसच जर दारूच्या नशेत ‘टाईट’ असतील तर? आता यांची तक्रार कुठे करायची? असाच प्रश्न आपल्याला पडेल. असाच काहीसा प्रश्न मंगळवारी रात्री काही नाशिककरांना पडला. निमित्त झालं गंगापूर पोलीस स्टेशनच्या हद्दीतील डी. के. नगर पोलीस चौकीतलं दृश्य!

दारूच्या बाटल्या आणि भरलेले ग्लास!

डी. के. नगर परिसरात रात्रीच्या वेळी काही टवाळखोर व्यक्ती दारुच्या नशेत रस्त्यावर धिंगाणा करत होते. या प्रकाराचा तिथल्या स्थानिकांना त्रास होत होता. त्यामुळे याची तक्रार करण्यासाठी साहजिकच त्यांनी पोलीस चौकी गाठली. पण तिथे दिसलेलं दृश्य त्यांच्या पायाखालची जमीन सरकवणारं ठरलं. कारण चौकीतच टेबलवर दारुच्या बाटल्या, भरलेले ग्लास आणि खायचे पदार्थ ठेवले होते.

हेही वाचा :  Viral Video : भय इथलं संपत नाही! मद्यधुंद महिलेसोबत कॅब ड्रायव्हरचं घाणेरडं कृत्य, व्हिडीओ व्हायरल झाल्यानंतर गुन्हा दाखल

डी. के. नगर चौकीमध्ये शिंदे नामक व्यक्ती तक्रार दाखल करण्यासाठी पोहोचली असता तिथलं दृष्य पाहून ते संतप्त झाले. त्यांनी या प्रकाराचा व्हिडीओ काढण्याचा प्रयत्न केला असता पोलिसांनी त्यांच्यावरच अरेरावी सुरू केल्याचं सांगितलं जात आहे. या घटनेचा व्हिडिओ सध्या व्हायरल होत असून त्यामध्ये चौकीतल्या टेबलांवर दारुने भरलेले ग्लास दिसत आहेत. तसेच, चौकीतून बाहेर पळ काढणाऱ्या पोलीस कर्मचाऱ्याचा पाठलाग करून त्याचा व्हिडीओ काढण्यात येत असल्याचं देखील यात दिसत आहे.

पोलिसांवर कारवाई होणार का?

दरम्यान, या सगळ्या प्रकारावरून पोलिसांची प्रतिमा मलीन होत असल्याचं बोललं जात आहे. या पार्श्वभूमीवर संबंधित पोलीस कर्मचाऱ्यांवर कारवाई केली जाईल का? असा सवाल देखील उपस्थित केला जात आहे.



Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

भारतीयांची स्वप्नपूर्ती! ढगांवर तरंगणाऱ्या चिनाब पुलावर रेल्वेची यशस्वी ट्रायल; रेल्वे मंत्र्यांनी शेअर केला व्हिडिओ

Chenab Railway Bridge : कोट्यवधी देशवासीयांचं स्वप्न आता साकार होणार आहे. जगातील सर्वात उंच ब्रिज …

महाराष्ट्रात अजब शिक्षक भरती; कन्नड भाषेच्या शाळेत 274 मराठी शिक्षकांची नियुक्ती

Sangali News : कन्नड आणि उर्दु शाळांमध्ये चक्क मराठी माध्यमिक शिक्षकांचे नियुक्ती करण्याचा अजब कारभार …