नमिता मुंदडा २ महिन्यांच्या बाळासह विधानभवनात, वर्किंग वुमनची ‘हिरकणी’

बाळाला कसे सांभाळावे

बाळाला किमान पहिले सहा महिने स्तनपान असो अथवा कोणतेही काम असो आईच लागते. मात्र सध्या धकाधकीच्या जीवनात नोकरी अथवा काम करणेही तितकेच महत्त्वाचे ठरतेय. मग अशावेळी अनेक आईंसाठी पालकत्व आणि नोकरी दोन्ही संतुलन ठेवताना त्रासदायक ठरते. त्यामुळे अनेक ठिकाणी कार्यालयातच पाळणाघरही सुरू करण्यात आल्याचे ऐकिवात आहे.

वर्किंग वुमनची होणारी घुसमट

आई झाल्यानंतर बाळाला पूर्ण वेळ देता येत नाही आणि बाळाचा सांभाळ योग्य हवा तर नोकरी सांभाळणेही गरजेचे आहे अशी अनेक नवजात मातांची घुसमट असते. याचे संतुलन ठेवताना सर्वात जास्त त्रास होतो तो आईला. ही वर्किंग वुमनची होणारी घुसमट मोडीत काढताना अनेक महिला दिसत आहेत आणि त्यातच नमिता मुंदडांचेदेखील नाव घ्यावे लागेल.

(वाचा – मुलाच्या मृत्यूनंतर खचले होते सतीश कौशिक, वयाच्या ५६ व्या वर्षी झाले सरोगसीद्वारे मुलीचे पिता)

आदर्श आई

बाळाला घेऊन कामकाज करता येते हे अनेक महिलांना आतापर्यंत दाखवून दिले आहे. एक तर चूल सांभाळ किंवा काम कर असा आजही अनेकांकडे दृष्टीकोन दिसून येतो. मात्र बाळाला जन्म दिल्यानंतर कामकाज न थांबवता त्याचे योग्य पालकत्व सांभाळता येते हेच नमिता मुंदडासारख्या कणखर महिलांनी आतापर्यंत दाखवून दिले आहे.

(वाचा – C-Section सर्जरीतून लवकर जखम बरी व्हावी वाटत असेल तर बाळंतिणींनी या ५ सोप्या टिप्स करा फॉलो)

बाळासाठी सोयीसुविधांचीही गरज

कंपनीसाठी काम करत असलो अथवा जनतेचा सेवेकरी असलो तरीही एका ठराविक वेळी प्रत्येकाला आपल्या बाळासाठी योग्य सोयीसुविधांची गरज लागतेच आणि यावेळी नमिता मुंदडांच्या बाळासह उपस्थितीमुळे पुन्हा एकदा ही गोष्ट लक्षात आली आहे. विधानभवनात योग्य सोय असल्यामुळेच निर्धास्तपणे बाळाला घेऊन येणे शक्य होते. मात्र पालकत्व सांभाळणाऱ्या प्रत्येक आईला अशी सोयीसुविधा उपलब्ध करून दिल्या तर तिलाही त्रास होणार नाही.

(वाचा – Ovulation Period म्हणजे काय? आई होण्यापूर्वी जाणून घेणे का गरजेचे)

पालक आणि करिअरचा समतोल

आजकालची महिला आई आणि करिअर या दोन्हीचा समतोल योग्य पद्धतीने सांभाळू शकते. सर्वच आघाड्यांवर महिला पुढे आहेत. नमिता मुंदडांनी आपल्या मुलीला सोबत घेऊनच हाऊसमध्ये काम केले. यावरूनच आजकाल महिला दोन्हीचा समतोल किती व्यवस्थित राखत आहेत हे दिसून येत आहे.
पालकत्व म्हणजे केवळ मुलांना घरात बसून घडविणे नाही तर स्वतःचे करिअर सांभाळत मुलांना योग्य पद्धतीने सांभाळणे आणि वाढवणे हेच हल्ली महिला सिद्ध करून दाखवत आहेत.