Mouth Cancer : सावधान, डॉक्टरांनी सांगितली माउथ कॅन्सरची मुख्य लक्षणे, म्हणाले फर्स्ट स्टेजमध्ये समजतही नाहीत माऊथ कॅन्सरचे ‘हे’ संकेत!

ओरल कॅन्सरची कारणे

तोंडाचा कर्करोग तेव्हा होतो जेव्हा शरीरातील अनुवांशिक बदलांमुळे पेशी नियंत्रणाशिवाय जास्त वाढतात. या पेशी जसजशा वाढतात तसतसे ते एक ट्यूमर तयार करतात. कालांतराने या पेशी शरीराच्या इतर भागातही पसरतात. स्क्वॅमस सेल कार्सिनोमा हा सुमारे 90 टक्के तोंडाच्या कर्करोगाचा स्रोत आहे.

(वाचा :- चहासोबत चुकूनही खाऊ नका ‘हा’ 1 पदार्थ, हाडे होतील कमजोर आणि वाढेल या 5 गंभीर आजारांचा धोका..!)

ओरल कॅन्सरची लक्षणे

डॉक्टरांच्या मते, तोंडाच्या कर्करोगाची लक्षणे सुरुवातीच्या टप्प्यात दिसत नाहीत. धूम्रपान करणारे आणि जास्त प्रमाणात मद्यपान करणाऱ्यांनी नियमितपणे दंतवैद्याकडे जावे. कारण तंबाखू आणि अल्कोहोल हे तोंडाच्या कर्करोगासाठी धोकादायक घटक आहेत. दंतचिकित्सक सुरुवातीच्या टप्प्यावर लक्षणे शोधू शकतात. जर एखाद्या व्यक्तीला कर्करोग झाला असेल तर येथे नमूद केलेली लक्षणे लक्षात घेतली पाहिजेत.

• तोंडाच्या किंवा जिभेच्या अस्तरावर डाग
• तोंडात फोड येणे
• हिरड्या मोठ्या किंवा जाड होणे
• दात सैल पडणे
• तोंडातून रक्त येणे
• कानात वेदना होणे
• जबड्यात सूज येणे
• घसा खवखवणे
• चघळण्यात किंवा गिळण्यात अडचण येणे
• उघडे तोंड
• तोंड न उघडणे
• तोंडात सफेदपणा येणे
• गळ्यात गाठ जाणवणे
• तोंडात लाल डाग दिसणे

वरीलपैकी कोणतीही लक्षणे दिसल्यास याचा अर्थ तुम्हाला तोंडाचा कर्करोगच आहे असे मुळीच नाही, पण तरीही तुम्ही डॉक्टरांना भेटून खात्री केली पाहिजे.

(वाचा :- Ayurvedic herbs : झोपण्याआधी रूममध्ये जाळा ‘या’ वनस्पतीची 4 पानं, डायबिटीज, अनिद्रा, हृदयरोग, लो इम्युनिटीसारखे 6 आजार होतील मुळासकट दूर!)

तोडांच्या कॅन्सरवरील उपचार

• शस्त्रक्रिया- डॉक्टर ट्यूमर आणि आजूबाजूच्या ऊतिकांची मार्जिन काढून टाकण्यासाठी शस्त्रक्रिया करू शकतात. या शस्त्रक्रियेत जीभेचा भाग आणि जबड्याचे हाड काढले जाते.
• रेडिएशन थेरपी- ही थेरपी तेव्हाच वापरली जाते जेव्हा कॅन्सर तिसऱ्या टप्प्यात पोहोचतो.
• कीमोथेरपी- कीमोथेरपीमध्ये पॉवरफुल औषधे दिली जातात. ही औषधे कर्करोगाच्या पेशी नष्ट करतात.