ठाणे महानगपालिकेमध्ये माहिती व जनसंपर्क अधिकारी (Information and Public Relations Officer) पदाच्या एकूण २ रिक्त जागा भरण्यात येणार आहेत. यासाठी उमेदवारांकडून ऑफलाइन माध्यमातून अर्ज मागविण्यात आले आहेत.
माहिती व जनसंपर्क अधिकारी पदासाठी अर्ज करणाऱ्या उमेदवाराकडे मान्यताप्राप्त विद्यापीठ अथवा शिक्षणसंस्थेतून पदवीपर्यंतचे शिक्षण पूर्ण असणे आवश्यक आहे. यासोबतच उमेदवारांकडे मास कम्युनिकेशन आणि जर्नालिझममध्ये पोस्ट ग्रॅज्युएट डिप्लोमा पूर्ण असणे आवश्यक आहे. स्वायत्त किंवा निमशासकीय संस्थेत जनसंपर्क अधिकारी पदाचा किमान तीन वर्षांचा अनुभव असणे गरजेचे आहे. यासोबतच अ श्रेणी वर्तमानपत्रात काम करण्याचा किमान पंधरा वर्षांचा अनुभव असणाऱ्या उमेदवारांना प्राधान्य देण्यात येणार आहे. या पदासाठी निवड झालेल्या उमेदवारांना दरमहा ७० हजार रुपये पगार दिला जाणार आहे.
TMC Recruitment: पदभरतीचे नोटिफिकेशन पाहण्यासाठी येथे क्लिक करा
पदभरतीसाठी अर्ज करताना उमेदवारांनी रेझ्युमे, दहावी, बारावी आणि इंजिनिअरिंगची शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.
उमेदवारांनी आपले अर्ज ठाणे महानगरपालिका, मुख्य आस्थापना शाखा, नवीन प्रशासकीय इमारत, चंदन वाडी, पाचपाखाडी, महापालिका भवन रोड, ठाणे पश्चिम, ठाणे, महाराष्ट्र ४००६०२ या पत्त्यावर पाठवायचे आहे. ४ एप्रिल २०२२ ही अर्ज करण्याची शेवटची तारीख आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.