मॅनेजमेंट अॅप्टिट्यूड टेस्ट (MAT) ही ६ मार्च २०२२ रोजी पेपर-आधारित चाचणीच्या माध्यमातून घेतली जाईल. AIMA इंटरनेट-आधारित चाचणी (IBT) आणि संगणक-आधारित चाचणी (CBT) च्या स्वरूपात आयोजित केली जात असून यासाठी नोंदणी सुरू आहे. ७ मार्च २०२२ ही MAT CBT २०२२ नोंदणीची अंतिम तारीख आहे. IBT च्या शेवटच्या स्लॉटसाठी १९ मार्च २०२२ रोजी नोंदणी बंद होणार आहे. AIMA द्वारे फेब्रुवारी, मे, सप्टेंबर आणि डिसेंबर अशी वर्षातून चार वेळा MAT परीक्षा घेतली जाते.
MAT PBT Registration 2022: अशी करा नोंदणी
सर्वप्रथम AIMA MAT ची अधिकृत वेबसाइट mat.aima.in वर जा.
MAT होमपेजवरील ‘Register’ लिंकवर क्लिक करा.
MAT लॉगिन क्रेडेन्शियल तयार करण्यासाठी उमेदवारांनी त्यांची वैयक्तिक माहिती भरा.
MAT २०२२ लॉगिन तपशील भरुन पुन्हा लॉगिन करा.
लॉगिन केल्यानंतर अर्जाची शुल्क १,६५० रुपये भरा
दिलेल्या नमुन्यात सर्व आवश्यक कागदपत्रे अपलोड करा
पात्रता, अनुभव आणि व्यवस्थापन संस्थांची निवड सबमिट करा.
MAT २०२२ चा भरलेला अर्ज सबमिट करा आणि तुमच्या भविष्यातील वापरासाठी त्याची प्रिंटआउट घ्या.
MAT २०२२ अर्जासाठी आवश्यक कागदपत्रे
इयत्ता दहावी मार्कशीट, इयत्ता बारावी मार्कशीट, ग्रॅज्युएशन मार्कशीट, जन्मतारीख प्रमाणपत्र आणि क्रेडिट कार्ड / डेबिट कार्ड / इंटरनेट बँकिंग तपशील ही कागदपत्रे जोडणे आवश्यक आहे.
अधिकृत वेबसाइटवर जाण्यासाठी येथे क्लिक करा