मकर संक्रांतीकरता असे तयार करा तिळाचे लाडू, रक्तातील LDL कोलेस्ट्रॉलला कंट्रोल राहून होतील ५ जबरदस्त फायदे

​तिळाचे लाडू खाल्यामुळे कमी होते कोलेस्ट्रॉल

कोलेस्टेरॉल वाढल्यामुळे हृदयाला सर्वाधिक धोका असतो. अशा परिस्थितीत ते नियंत्रणात ठेवण्यासाठी आवश्यक त्या उपाययोजना केल्या पाहिजेत. यामध्ये तिळाचे लाडू फायदेशीर ठरू शकतात.

एनसीबीआयच्या मते, तीळ खराब कोलेस्ट्रॉल (एलडीएल) आणि ट्रायग्लिसराइडची उच्च पातळी नियंत्रित करण्यासाठी उपयुक्त आहे. दुसरीकडे, गूळ शरीरातील विषारी पदार्थ काढून टाकून आणि पचन सुधारून कोलेस्टेरॉलचे व्यवस्थापन करण्यास मदत करते.

​मजबूत हाडांकरता खा तिळाचे लाडू

तिळात हाडे मजबूत करण्याचा गुणधर्म देखील असतो. खरंच, तिळात कॅल्शियम, फॉस्फरस आणि पॉलीअनसॅच्युरेटेड फॅटी ऍसिड असतात. अशा स्थितीत ऑस्टियोपोरोसिससारख्या समस्यांमध्ये त्याचा वापर फायदेशीर ठरतो.

(वाचा – अरूंधतीच्या गालावर खळी नाही ही तर जखम, मधुराणीकडून मोठा खुलासा, ‘या’ आजाराचे नाव काय?))

​तिळाचे लाडू नॅचरल इम्युनिटी बुस्टर

नॅशनल लायब्ररी ऑफ मेडिसिनच्या अहवालानुसार, तिळात इम्युनोमोड्युलेटरी गुणधर्म असतात. जे शरीराची रोगांशी लढण्याची क्षमता वाढवण्याचे काम करतात. त्याच वेळी, गुळातील लोह, सेलेनियम, झिंक, मॅग्नेशियम आणि फॉस्फरस यांसारखे पोषक घटक रोगप्रतिकार शक्ती वाढविण्याचे काम करतात.

(वाचा – हिवाळ्यात स्ट्रोक आणि हृदयविकाराच्या झटक्याने भारतात मृत्यू, हृदयविकाराच्या झटक्याची सुरुवातीची लक्षणे जाणून घ्या))

​डायबिटिज कंट्रोल करतात तिळाचे लाडू

एका अभ्यासात असे दिसून आले आहे की मधुमेही रुग्ण जे नियमितपणे तिळाचे सेवन करतात त्यांच्या सीरम ग्लुकोज, HbA1c आणि इन्सुलिनचे प्रमाण अधिक संतुलित होते. त्याचबरोबर पांढऱ्या साखरेपेक्षा कमी हानीकारक असल्याने मधुमेहामध्ये गुळाचे नियंत्रित प्रमाणात सेवन केले जाऊ शकते.

(वाचा – Foods to Control High BP: सायलेंट किलर असलेल्या हाय बीपीला घरगुती उपायांनी करा कंट्रोल)

​श्वसनाकरता फायदेशीर

तिळ आणि गुळात दाहक-विरोधी आणि अँटीऑक्सिडंट गुणधर्म असतात. त्यामुळे याच्या सेवनाने फुफ्फुसातील जळजळ, संसर्ग आणि ब्राँकायटिस यांसारख्या श्वसन प्रणालीच्या समस्यांपासून आराम मिळू शकतो

(वाचा – Weight Loss Home Remedy : स्वयंपाकघरातील या ६ गोष्टी खऱ्या Fat Burner, खाताच बर्फासारखी वितळेल चरबी)

असे तयार करा लाडू

​लाडू तयार करण्याकरता लागणारे साहित्य

• तिळ १०० ग्रॅम
• गुळ १०० ग्रॅम
• काजू ३-४
• बदाम ३-४
• घी १/२

(वाचा – Diabetes Tips : डायबिटिजमध्ये गरम पाण्याने आंघोळ करणे धोकादायक, इन्सुलिन बिघडवतात या सवयी))

​कसे तयार करा लाडू

कढईतील तीळ सोनेरी होईपर्यंत भाजून घ्या. आता ब्लेंडरमध्ये बारीक करून पावडर बनवा. त्याच पॅनमध्ये काजू आणि बदाम भाजून बाजूला ठेवा. आता तूप गरम करा, त्यात गूळ आणि २ चमचे पाणी घाला, ते वितळेपर्यंत मिसळा. आता गुळात तीळ पावडर, ठेचलेले ड्रायफ्रूट्स घालून घट्ट होईपर्यंत चांगले मिसळा. नंतर एका प्लेटला तूप लावून पीठाचे समान भाग करून लाडू तयार करा.

(वाचा – फॉर्मल ब्लेझर घ्यायला गेल्यावर लठ्ठपणामुळे दुकानदाराने उडवली खिल्ली, दारू सोडून केले 50 Kg Weight Loss))

​FAQ – कायम विचारले जाणारे प्रश्न

तिळाचे लाडू खाल्यामुळे काय फायदा होतो?

तिळाचे लाडू खाल्ल्याने कोलेस्ट्रॉल, उच्च रक्तदाब, मधुमेह, हृदयाचे आरोग्य, पचनशक्ती आणि रोगप्रतिकारशक्ती सुधारण्याशी संबंधित फायदे आहेत.

तिळाचे लाडू कधी खावेत?

तिळाचा प्रभाव गरम असतो, त्यामुळे हिवाळ्यात ते खाणे अधिक फायदेशीर असते.

तिळाचे लाडू खाल्ल्याने वजन वाढते का?

तिळामध्ये असलेले फायबर आणि गुळातील पोषक तत्वांमुळे तुम्हाला दीर्घकाळ पोट भरल्याचा अनुभव येतो, त्यामुळे जास्त खाल्ल्याने लठ्ठपणाचा धोका नाही.

तीळ खाण्याचे तोटे काय आहेत?

तीळ हे आरोग्यासाठी फायदेशीर मानले जाते. परंतु याचे जास्त प्रमाणात सेवन केल्याने पोटाशी संबंधित समस्या जसे की उलट्या, मळमळ, जुलाब होऊ शकतात.

(वाचा – Joint Pain Oil : हे तेल लावताच छुमंतर होईल गुडघ्यांचं दुखणं, किचनमधील या पदार्थांचा करा समावेश)