माझी कहाणी : सासरच्या लोकांनी मला जेलमध्ये टाकलं आणि माझ्या प्रेग्नेंट बायकोचं जबरदस्ती दुसरं लग्न लावून दिलं, मग पुढे..!

मी 29 वर्षांचा आहे पण या एवढ्या वयात सुद्धा मी जे भोगलंय ते आजही आठवलं तरी माझं शरीर थंड पडतं. आयुष्याने मला अशा एक वळणावर आणून ठेवलं आहे की पुन्हा कधी मी सुखाने जगेन असचं मला वाटत नाही. माझी दोन लग्न झाली आहेत. पहिलं लग्न मी एका मुलीसोबत पळून जाऊन केलं. ती आमच्या शेजारी राहायला आली होती आणि तिथेच आमचं प्रेम जुळलं. आम्ही एकमेकांच्या प्रेमात आकंठ बुडालो होतो.पण तिच्या घरच्यांना आमचं हे नातं मान्य नव्हतं. शेवटी आम्ही पळून जाऊन लग्न करायचं ठरवलं. आमचा संसार सुखाचा चालला होता की इतक्यात माझ्या सासरकडच्यांनी माझ्यावर खोटी केस करून मला 14 महिन्यांसाठी जेल मध्ये पाठवलं. या काळात माझ्या बायकोसोबत काय झालं हे सुद्धा मला माहित नाही. मला अटक झाली तेव्हा ती गरोदर होती. मी तिला म्हटलं ते जे म्हणतात ते ऐक पण स्वत:ला आणि बाळाला सांभाळ. (सदर अनुभव सत्य असून गोपनीयतेच्या कारणाने आम्ही ओळख उघड करत नाही.)

ती गरोदर होती, पण…

मी जेव्हा 14 महिन्यांनंतर जेल मधून बाहेर आलो तेव्हा साहजिकच मी पहिलं माझ्या बायकोला फोन केला. मी तिच्याशी खूप संपर्क करण्याचा प्रयत्न केला पण काहीच होत नव्हतं. शेवटी तिने एकदा फोन उचलला आणि घरातल्या लोकांनी माझं लग्न जबरदस्ती दुसरीकडे लावून दिलं आहे असं तिने सांगितले. हे सत्य ऐकून मला अश्रू अनावर झाले. पण स्वत:ला सावरत मी जेव्हा तिला आमच्या बाळाबद्दल विचारलं तेव्हा तिने अचानक फोन ठेवून दिला. माझ्या मनात शंकेची पाल चुकचुकली. त्यांनी जबरदस्तीने तिचा गर्भपात तर केला नाही ना, माझे बाळ या जगात आलेच नाही का? असे नानाविविध विचार माझ्या मनाला वेदना देऊ लागले.

हेही वाचा :  Maharashtra Weather Forecast: महाराष्ट्रात मुंबईसह 'या' ठिकाणी मुसळधार पावसाचा इशारा; काही जिल्ह्यांना 'यलो अलर्ट'

(वाचा :- माझी कहाणी – मला माझ्या नव-याच्या गुप्त कपाटातून एक असे सामान मिळाले, ज्यामुळे माझ्या पायाखालची जमीनच सरकली..!)

मी दुसरे लग्न केले

या सगळ्याचा परिणाम हा झाला की मला व्यसन लागले. मी दिवस रात्र दारू पिऊ लागलो, सिगारेट ओढू लागलो. माझी बायको आणि बाळ यांच्या आठवणीने मी व्याकून व्हायचो. जगण्याची तर अजिबातच इच्छा नव्हती. पण याच काळात माझ्या आयुष्यात एक मुलगी आली आणि तिने मला आधार दिला. तिने मला पुन्हा माणसात आणलं. हळूहळू मी सुद्धा माझ्या दु:खातून बाहेर येऊ लागलो. मी नव्याने प्रेम करायला शिकलो. यानंतर मी तिला माझा भूतकाळ आणि पहिल्या बायकोबद्दल सगळं सांगितलं. तिने सुद्धा ते मान्य केलं. शेवटी आम्ही दोघांनी लग्न करण्याचा निर्णय घेतला आणि सुखाने नांदू लागलो.

(वाचा :- माझी कहाणी :- मी माझ्या बॉसच्या बायकोसोबत अनेकदा शारीरिक संबंध ठेवले आणि मग पुढे…!)

पुन्हा भेट झाली

दुसरं लग्न केल्यानंतर देखील पहिल्या लग्नामुळे माझ्यावर जी केस सुरु होती त्याचा खटला कोर्टामध्ये आजही सुरुच होता. नवीन तारीख मिळाली आणि त्या दिवशी माझी पहिली बायको सुद्धा साक्ष द्यायला कोर्टात आली. ती तिच्या वडिलांसोबत आली होती आणि तिच्या सोबत एक बाळ सुद्धा होतं. त्या बाळाला बघून माझ्या डोळ्यांतून अश्रू वाहू लागले. बाळाला पाहताच माझा संयम सुटला आणि मी त्याच्याकडे धाव घेतली. तिचे वडील सुद्धा मला पाहताच रडू लागले आणि म्हणाले, “मला माफ कर. मी तुझ्यावर केस केली नाही. समाजाच्या लोकांनी जबरदस्तीने ती करायला लावली. या बाळासाठी आणि तुझ्यासाठी माझ्या मुलीने स्वत:चं आयुष्य उध्वस्त करून घेतलं. तिचं आता कोणीच उरलं नाहीये पण आता तूच तिला सांभाळ. तिला सोबत घेऊन जा.” ती लांब उभी राहून रडत होती. मी माझ्या बाळाला जेव्हा पाहिलं तेव्हा स्वत:वर संयम ठेऊ शकलो नाही आणि तिला पुन्हा एकदा स्विकारलं.

हेही वाचा :  तलाठी भरती परीक्षेत गोंधळ का झाला? विखे पाटलांनी स्पष्टच सांगितले...

(वाचा :- पैशांसाठी आलिया भट्ट आपले वडिल महेश भट्टसोबत करायची ‘हे’ काम, बाप-लेकीचं असं नातं जे विचार करायला पाडतंय भाग..!)

मी आता अडकलो आहे

मी कोर्टातून परत आल्यानंतर भावनेच्या भरात पहिल्या बायकोला सुद्धा घरी घेऊन आलो. तिला पाहताच माझी दुसरी बायको खूप चिडली कारण यामुळे तिचे आयुष्य सुद्धा उध्वस्त होणार होते. मी तिला समजावण्याचा प्रयत्न केला. तिने मुलाला स्वीकारण्यास तयारी दर्शवली, पण ती माझ्या पहिल्या बायकोला स्वीकारण्यास तयार नव्हती. पहिल्या बायकोने सुद्धा सांगितले की स्वीकारणार नसाल तर मी जगून काय करू? मला मारून टाका. आता मात्र मी पुरता अडकलो होतो.

(वाचा :- लग्नानंतर तब्बल 23 वर्षांनी अजय देवगणने पत्नी काजोलबद्दल काढले ‘हे’ उच्चार, जे सिंगल लोकांनी न वाचणंच ठरेल उत्तम!)

दुहेरी जीवन

यावर उपाय म्हणून मी पहिल्या बायकोसाठी अजून एका घराचा बंदोबस्त केला आणि तिला त्या घरात राहण्यास सांगितले. तर अशा प्रकारे मी आज दुहेरी जीवन जगत आहे ते सुद्धा दोन बायकांच्या साथीने! अनेकांसाठी हा खिल्ली उडवण्याचा विषय असेल पण मी ज्या त्रासातून जातो आहे तो तास फार कमी लोकांना कळू शकतो. मी स्वत: अशा चुकीची शिक्षा भोगत आहे जी मुळातच मी केली नाही. आयुष्याने मला स्वत:च्या तालावर नाचवले आहे आणि आता मी इतका हतबल आहे की जे समोर चालले आहे ते फक्त पाहू शकतो, ते स्विकारू शकतो आणि तसा जगू शकतो.

हेही वाचा :  काश..! गर्भश्रीमंत घराण्याची सून होण्याआधी मला या गोष्टी माहित असत्या

(वाचा :- माझी कहाणी : हनीमूनच्या रात्री ईमेलमध्ये लपवून ठेवलेली एक चिठ्ठी सापडल्याने माझ्या नव-याचं एक खोल रहस्य उघड झालं आणि मग..!)

Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

रवींद्र वायकर यांच्या खासदारकीच्या वादात मोठा ट्विस्ट! उत्तर पश्चिम मुंबई लोकसभा मतदारसंघातील निकालाविरोधात हायकोर्टात याचिका

Ravindra Waikar : उत्तर पश्चिम मुंबईचे खासदार रवींद्र वायकर यांच्या विरोधात, मुंबई उच्च न्यायालयात याचिका …

कल्याण लोकसभेची निवडणूक पुन्हा घेण्याची मागणी; रस्त्यावर सापडले शेकडो मतदार ओळखपत्र

Kalyan Lok Sabha : ठाकरे गटाने कल्याण लोकसभेमधील संपूर्ण निवडणूक ही संशयास्पद असून पुन्हा एकदा …