महादेवाचे आवडते बेल पान केसांच्या आणि त्वचेच्या समस्येसाठी संजीवनीच

बेलाच्या पानांमुळे मिळते सुंदर त्वचा

बेलाच्या पानांमध्ये मोठ्याप्रमाणात प्रोटीन्स, केसांसाठी उपयुक्त ठरणारे बीटा कॅरेटीन व थायमीन यासोबतच कॅल्शियम, आयर्न, व्हिटॅमिन्स ए, बी आणि सी तसेच ॲण्टी ऑक्सिडंट्स भरपूर प्रमाणात असतात. बेल पत्रातील हे सर्व घटक केसांसाठी आणि त्वचेला तजेलदार करण्यासाठी उपयुक्त आहेत.

(वाचा :- क्रांती रेडकरने शेअर केला Hydra Facial चा व्हिडीओ, जाणून घ्या नक्की काय आहे हा प्रकार) ​

केसांसाठीही होतो बेलाचा उपयोग

– हा उपाय करण्यासाठी तिळाच्या तेलात बेलफळाची साले आणि थोडा कापूर घालावा. हे तेल गरम करून घ्यावे. हे तेल केसांना लावल्यास केसांची वाढ होते.
– केस गळणे कमी होण्यासाठी बेलाचे एक पान दररोज खावे.
– बेलपानांचा रस केसांना लावल्यास केसांचे आरोग्य सुधारते.

त्वचेवर लावा बेलपत्रांचा फेसपॅक

नितळ त्वचा मिळवण्यासाठी बेलपत्रांचा फेसपॅक अतिशय उपयुक्त ठरतो. हा लेप बनविण्यासाठी बेलाची पाने मिक्सरमधून वाटून घ्या आणि त्याचा रस काढा. साधारण दोन चमचे बेलाच्या पानांचा रस असेल तर त्यामध्ये एक चमचा मध टाका. तुम्ही यामध्ये गुलाब जल सुद्धा टाकू शकता. हे मिश्रण एकत्र करुन हा लेप चेहऱ्याला लावा. साधारण १५ ते २० मिनिटांनंतर चेहरा कोमट पाण्याने धुवून टाका. या उपायामुळे त्वचा तजेलदार होते.

(वाचा :- Beauty tips : हट्टी Blackhead ला ‘या’ उपायांनी मुळासकट काढून टाका, चमकदार त्वचेसाठी एकदा नक्की वापरा) ​

बेलाच्या पानांचा असाही उपयोग

– बेलाची पाने लिव्हरसाठी फायदेशीर असतात.
– पोटाचे दुखणे तसेच अपचनासंबंधी सर्वच तक्रारी बेलाच्या पानांनी कमी होतात.
– मधुमेहींना साखर नियंत्रित ठेवण्यासाठी बेलफळाचे चुर्ण खाण्याचा सल्ला दिला जातो.