एमबीए/एमएमएस प्रवेश २०२२-२३ महाराष्ट्र सीईटी साठी अर्ज करण्यापूर्वी उमेदवारांना पात्रता तपासण्याचा सल्ला देण्यात आला आहे. एमबीए सीईटी २०२२ प्रवेशपत्र मिळविण्यासाठी अर्जदारांना अंतिम मुदतीपूर्वी एमबीए सीईटी अर्ज प्रक्रिया पूर्ण करावी लागेल. तसेच ३ वर्षांच्या कालावधीत किमान ५० टक्के गुणांसह (आरक्षित श्रेणीसाठी ४५ टक्के) पदवी पूर्ण केलेले उमेदवार महाराष्ट्र एमबीए सीईटी २०२२ साठी अर्ज करण्यास पात्र आहेत. अंतिम वर्षाचे पदवीधर देखील एमबीए/एमएमएस प्रवेश २०२२-२३ साठी अर्ज भरु शकतात.
MAH MBA CET application form 2022: अशी करा नोंदणी
स्टेप १) सर्वप्रथम महाराष्ट्र सीईटीची अधिकृत वेबसाइट mbacet2022.mahacet.org वर जा.
स्टेप २) महाराष्ट्र सीईटी वेबसाइटच्या होमपेजवर ‘नवीन नोंदणी’ या लिंकवर क्लिक करा.
स्टेप ३) चेकबॉक्सवर क्लिक करा आणि पेजवरील ‘I Accept and Proceed’ बटणावर क्लिक करा.
स्टेप ४) आता MAH CET 2022 लॉगिन क्रेडेंशियल तयार करण्यासाठी सर्व आवश्यक तपशील भरा.
स्टेप ५) अर्ज भरण्यासाठी तयार केलेल्या लॉगिन क्रेडेंशियल्सचा वापर करून डॅशबोर्डवर पुन्हा लॉगिन करा.
स्टेप ६) MBA/MMS प्रवेशासाठी ‘MAH CET 2022 अर्ज फॉर्म’ भरा.
स्टेप ७) त्यानंतर आवश्यक कागदपत्रे विहित नमुन्यात अपलोड करा.
स्टेप ८) महाराष्ट्र सीईटी अर्ज शुल्क ऑनलाइन माध्यमातून भरा.
अर्ज शुल्क
सर्वसाधारण श्रेणीतील उमेदवारांना १००० रुपये अर्ज शुल्क भरावा लागेल. तर आरक्षित आणि पीडब्ल्यूडी श्रेणीतील उमेदवारांना ८०० रुपये अर्ज शुल्क भरावा लागेल.