Kiss Day 2023: चुंबन घेण्याचे आहेत अनेक आरोग्यदायी फायदे, जाणून घ्या किस डे चे आरोग्यासाठी महत्त्व

​चुंबन घेतल्याने वाढते प्रतिकारशक्ती​

चुंबन घेतल्याने रोगप्रतिकारशक्ती वाढण्यास मदत मिळते. २०१४ च्या मायक्रोबायोम जर्नलमध्ये प्रकाशित एका अभ्यासानुसार सांगण्यात आले की, ओठांवर किस घेताना जोडीदारांची लाळ एकमेकांमध्ये मिक्स होते. यामध्ये कमी प्रमाणात किटाणू असतात, ज्याच्या संपर्कात आल्यानंतर प्रतिकारशक्तीच्या विरोधात अँटीबॉडी तयार होणे सुरू होते. किस केल्याने शरीरातील या किटाणूमुळे आजाराचा धोका कमी होण्याची शक्यता वाढते.

​किस घेतल्याने तणाव होतो कमी ​

किस केल्याने नैराश्य आणि ताण या दोन्ही गोष्टी कमी होण्यास मदत मिळते. कोर्टिसोल हार्मोनमुळे आपल्यातील तणाव वाढताना दिसून येतो. पण जेव्हा जोडीदार एकमेकांचे चुंबन घेतात अथवा मिठी मारून प्रेम व्यक्त करतात, तेव्हा मेंदूतील कोर्टिोसलची पातळी कमी होऊ लागते. यामुळे ऑक्सिटोसिन हार्मोन मुक्त होतात आणि तणावापासूनही मुक्तता मिळते. सोप्या शब्दात सांगायचे झाले तर मूड ताजा होतो. तसंच बेचैनी आणि अनिद्रेचा त्रास असल्यास कमी होतो.

(वाचा – Hug Day 2023: मिठी मारल्याने नातीच सुधारतात असं नाही, आरोग्याला मिळतात हे ४ फायदे)

​चुंबन घेतल्यास उच्च रक्तदाबाचा त्रास कमी होतो ​

ज्या व्यक्तींना उच्च रक्तदाबाचा त्रास आहे, त्यांच्यासाठी किस घेणे हे नक्कीच फायदेशीर ठरू शकते. किसिंग तज्ज्ञ आणि लेखक अँड्रिया डिमिर्जियनने सांगितल्याप्रमाणे जेव्हा चुंबन घेतले जाते तेव्हा हृदयाची गती वाढते आणि त्यामुळे रक्तवाहिन्या रूंद होतात. यामुळे रक्तप्रवाह सुरळीत होतो आणि ब्लडप्रेशर नियंत्रणात राहाते.

(वाचा – डायबिटीस रुग्णांना इन्शुलिनची कधी गरज भासते? वयानुसार किती असावे इन्शुलिनचे प्रमाण)

​कोलेस्ट्रॉल कमी होते​

चुंबन सीरम कोलेस्ट्रॉलचा स्तरही कमी करण्यास मदत करते. हृदयरोग आणि स्ट्रोकच्या धोक्यापासून दूर राहण्यासाठी याचा फायदा होतो.

(वाचा -Weight Loss: वजन कमी करण्यासाठी सत्तूचे ड्रिंक ठरेल वरदान, डायबिटीस रूग्णांसाठीही फायदेशीर)

​मेटाबॉलिजम मजबूत करण्यासाठी​

किसिंग केल्याने मेटाबॉलिजम स्ट्राँग होण्यास मदत मिळते. Passionate Kiss दरम्यान जास्त कॅलरी बर्न होतात अर्थात कॅलरी अधिक जळतात. एक मिनिट चुंबन घेतल्यास, ५ कॅलरी बर्न होते. आपल्या नॉर्मल रूटीनने जी कॅलरी कमी होते, त्यापेक्षा ही दुप्पट आहे. यामुळेच मेटाबॉलिजम सुधारते आणि तुम्हाला एक वेगळा आनंदही मिळतो.

टीप – हे मेडिकल रिसर्च आणि शोधानुसार लेखात लिहिण्यात आले आहे. आम्ही अशा दाव्याची कोणतीही पुष्टी देत नाही. हा लेख केवळ माहितीकरिता देण्यात आला आहे.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com