“काही लोक जेलमध्ये सकाळची पत्रकार परिषद घ्यायची परवानगी मागतील”, मनसेची खोचक पोस्ट चर्चेत, टोला नेमका कुणाला? | MNS Sandip Deshpande Facebook post taunts Sanjay raut over press conference

पुण्यात झालेल्या मनसेच्या वर्धापन दिन सोहळ्याच्या कार्यक्रमात राज ठाकरेंनी संजय राऊतांची नक्कल केली होती. त्यावर संजय राऊतांनी “आमचं राजकारण नकलांवर चालत नाही”, अशा शब्दांत राज ठाकरेंना प्रत्युत्तर दिलं होतं. त्यानंतर पुन्हा राज ठाकरेंनी एका कार्यक्रमाच्या उद्घाटनात संजय राऊतांना टोला लगावला. एकंदरीतच मनसे आणि संजय राऊत यांच्यात कलगीतुरा रंगल्याचं दिसून येतंय. अशातच मनसेचे संदीप देशपांडे यांची फेसबूक पोस्ट चांगलीच चर्चेत आहे.

“संजय राऊतांनी आता एकांतात…”, राज ठाकरेंचा खोचक सल्ला; नकलांबाबत मारलेल्या टोमण्यावर दिलं प्रत्युत्तर!

जेल मध्ये गेल्यावर काही लोक घरचं जेवण मागतात, काहींना पुस्तकं लागतात, काहींना औषध लागतात. मात्र, यापुढे काही लोक जेलमध्ये सकाळची पत्रकार परिषद घ्यायची परवानगी मागतील, असा टोला संदीप देशपांडे यांनी फेसबूक पोस्ट करत लगावला आहे. त्यामुळे हा टोमणा नेमका कुणासाठी अशी चर्चा सुरू झाली आहे. गेल्या काही दिवसांतील राज्यातील राजकारण आणि टोमण्यांना प्रत्युत्तर पाहिलं असता देशपांडेंनी हा टोला शिवसेना खासदार आणि प्रवक्ते संजय राऊत यांना लगावला असल्याची चर्चा सुरू आहेत.