MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
IPL 2023 Auction : इंडियन प्रिमीयर लीग ( Indian Premier League ) म्हणजेच आयपीएल 2023 ( IPL 2023 ) हंगामासाठी डिसेंबर महिन्यामध्ये लिलाव पार पडणार आहे. त्याआधी मुंबई इंडियन्स ( MI ) आणि चेन्नई सुपर किंग्सने ( CSK ) सोडलेल्या आणि कायम ठेवलेल्या खेळाडूंची यादी जाहीर केली आहे. मीडिया रिपोर्टनुसार, 23 डिसेंबर रोजी कोची येथे आयपीएलचा मिनी लिलाव होणार आहे. याआधी आयपीएलच्या सर्व संघांना त्यांच्या कायम ठेवलेल्या खेळाडूंची यादी जाहीर करायची आहे. मुंबई इंडियन्स आणि चेन्नई सुपर किंग्जच्या संघाने रिटेन केलेल्या आणि सोडलेल्या खेळाडूंची यादी जाहीर केली आहे. चेन्नईच्या संघाने रवींद्र जाडेजावर विश्वास ठेवत त्याला संघात कायम ठेवलं आहे, तर मुंबईने आपला जुना खेळाडू कायरन पोलार्डची साथ सोडल्याने यंदाच्या हंगामासाठी पोलार्डची बोली लागणार आहे.
23 डिसेंबरला कोचीमध्ये मिनी लिलाव
2023 मध्ये आयपीएलचा 16 व्या हंगाम खेळवला जाणार आहे. या हंगामासाठी 23 डिसेंबर रोजी कोचीमध्ये मिनी लिलाव होणार आहे. बीसीसीआयने सर्व आयपीएल संघांना 15 नोव्हेंबरपर्यंत त्यांच्या कायम ( Retained Players ) ठेवलेल्या खेळाडूंची यादी सादर करण्यास सांगितलं आहे.
चेन्नईच्या संघाने जाडेलाला संघात कायम ठेवलंय
Reels
भारतीय क्रिकेट संघाचा महेंद्रसिंह धोनीच्या नेतृत्वाखालील चेन्नईच्या संघाने रवींद्र जाडेजाचं संघातील स्थान कायम ठेवलं आहे. मागील हंगामानंतरनंतर जाडेजा चेन्नईचा संघ सोडून नव्या संघात खेळेल, असा अंदाज व्यक्त केला जात होता, मात्र चेन्नईने त्याला रिटेन केलं आहे. चेन्नईने धोनी, जाडेजा, शिवम दुबे, मोईन अली, डेव्हॉन कॉनवे यांचं संघातील स्थान कायम ठेवलं असून चार खेळाडूंना सोडलं आहे. चेन्नई संघाने कायम न ठेवल्याने ख्रिस जॉर्डन, ईडन मिलने, नारायण जगदीशन आणि मिचेल सँटनर या खेळाडूंची लिलावामध्ये बोली लागणार आहे. यंदा आयपीएलचा मिनी लिलाव होणार आहे.
मुंबई इंडियन्सच्या संघाने पोलार्डला सोडलं
मीडिया रिपोर्ट्सनुसार, मुंबई इंडियन्स आणि चेन्नई सुपर किंग्जने त्यांच्या कायम ठेवलेल्या आणि सोडलेल्या खेळाडूंची निवड केली आहे आणि त्यांची नाव लिलावासाठी पाठवली आहेत. अहवालानुसार, मुंबई इंडियन्सने आपल्या संघातून पाच खेळाडूंना वगळलं आहे, यामध्ये वेस्ट इंडिजचा दिग्गज खेळाडू कायरन पोलार्डचा समावेश आहे. मुंबई इंडियन्सने फॅबियन अॅलन, कायरॉन पोलार्ड, टिमल मिल्स, मयंक मार्कंडे आणि हृतिक शोकीन यांना सोडले आहे.
