आपत्ती व्यवस्थापन अभ्यासक्रम सुरू करा; UGC चे निर्देश

‘यूजीसी’चे सचिव प्रा. रजनीश जैन यांनी याबाबत परिपत्रकाद्वारे सूचना दिल्या आहेत. विद्यार्थ्यांना आपत्ती व्यवस्थापनासंदर्भात प्रशिक्षित करण्याचा या अभ्यासक्रमाचा उद्देश आहे. राष्ट्रीय आपत्ती व्यवस्थापन संस्था (National Institute of Disaster Management, NIDM) यांनी ‘डिझास्टर रिस्क रिडक्शन अँड मॅनेजमेंट’ या विषयाचा पदवी आणि पदव्युत्तर स्तरासाठीचा प्रारूप अभ्यासक्रम तयार केला आहे. त्यासाठी तज्ज्ञांची मदत घेतली आहे. त्यात डिझास्टर रिस्क रिडक्शन हा फाउंडेशन अभ्यासक्रम, डिझास्टर रिस्क रिडक्शन अँड मॅनेजमेंट हा प्रमाणपत्र अभ्यासक्रम आणि डिझास्टर रिस्क रिडक्शन अँड मॅनेजमेंट या पदव्युत्तर पदविका अभ्यासक्रमाचा त्यात समावेश आहे. पदव्युत्तर पदविका अभ्यासक्रमात आपत्तीसंबंधित विषय, विद्यार्थ्यांचे ज्ञान, कौशल्य आणि क्षमतावृद्धीचे घटक समाविष्ट आहेत.

पंतप्रधान नरेंद्र मोदी यांच्या राष्ट्रीय उद्दिष्टांनुसार देशाला आपत्तीसंदर्भात अधिक सुरक्षित आणि लवचिक करण्यासाठी या अभ्यासक्रमांची पदवीपूर्व आणि पदव्युत्तर पदवी स्तरावर अंमलबजावणी करावी. साधारण २०३०पूर्वी देशात कुशल मनुष्यबळ उपलब्ध होण्यासाठी अभ्यासक्रम सुरू करण्याची अंमलबजालणी करण्याचे आवाहन प्रा. जैन यांनी ‘यूजीसी’कडून देशभरातील विद्यापीठे आणि महाविद्यालयांना करण्यात आले आहे.

क्रीडा विज्ञान अन् व्यवस्थापनच्या अभ्यासक्रमांना UGC ची मान्यता

महाराष्ट्रात वैद्यकीय शिक्षण होणार स्वस्त, विद्यार्थ्यांना परदेशी जाण्याची गरज नाही