IND vs WI : विराट कोहलीने आठ धावांवर बाद होऊनही रचला इतिहास; सचिनला मागे टाकले


भारतीय संघाचा फलंदाज विराट कोहली वेस्ट इंडिजविरुद्धच्या तीन सामन्यांच्या वनडे मालिकेतील पहिल्याच सामन्यात केवळ चार चेंडू खेळून पॅव्हेलियनमध्ये परतला आहे. पण त्याआधीच त्याने एक मोठा विक्रम आपल्या नावावर केला आहे. हा विक्रम करणारा विराट कोहली आता जगातील पहिला फलंदाज बनला आहे, ज्याने भारतातच ५००० एकदिवसीय आंतरराष्ट्रीय धावा केल्या आहेत.

वेस्ट इंडिजविरुद्ध विराट कोहली चार चेंडूत आठ धावा करून बाद झाला, मात्र दुसरा चौकार मारताच भारतीय मैदानावर एकदिवसीय आंतरराष्ट्रीय क्रिकेटमध्ये ५००० धावा पूर्ण करणारा तो जगातील पहिला फलंदाज ठरला. विराट कोहलीने ९६ व्या डावात हा पराक्रम केला, तर याआधी हा विश्वविक्रम मास्टर ब्लास्टर आणि क्रिकेटचा देव म्हणून ओळखल्या जाणाऱ्या सचिन तेंडुलकरच्या नावावर होता.

सचिन तेंडुलकरने घरच्या मैदानावर १२० डावात ५००० वनडे धावांचा टप्पा पार केला होता. आपल्या भूमीवर सर्वाधिक धावा करणाऱ्या फलंदाजांमध्ये सचिन तेंडुलकर आघाडीवर आहे. सचिनने भारतात एकदिवसीय क्रिकेटमध्ये ६९७६ धावा केल्या आहेत. त्याचबरोबर रिकी पॉन्टिंग ५४०६ धावांसह दुसऱ्या क्रमांकावर आहे, ज्याने ऑस्ट्रेलियात हा पराक्रम केला आहे. याशिवाय जॅक कॅलिसने दक्षिण आफ्रिकेत १३५ डावात ५१७८ धावा केल्या आहेत.

दरम्यान, अहमदाबादच्या नरेंद्र मोदी स्टेडियमवर रविवारी खेळल्या गेलेल्या सामन्यात फलंदाज रोहित शर्माने जोरदार फलंदाजी केली. एकदिवसीय आंतरराष्ट्रीय क्रिकेटमध्ये नियमित कर्णधार म्हणून रोहित शर्माचा हा पहिलाच सामना होता. मात्र, याआधीही त्याने १० एकदिवसीय आंतरराष्ट्रीय सामन्यांमध्ये भारतीय सघांचे कर्णधारपद भूषवले आहे.

रोहित शर्माने वेस्ट इंडिजविरुद्धच्या पहिल्या एकदिवसीय सामन्यात ४२ चेंडूत ८ चौकार आणि १ षटकाराच्या मदतीने ४४ वे अर्धशतक पूर्ण केले. यादरम्यान त्याचा स्ट्राइकरेट ११९ होता. मात्र, आणखी १० धावा जोडून तो बाद झाला. त्याने ५१ चेंडूत १० चौकार आणि १ षटकाराच्या मदतीने ६० धावा केल्या. हिटमॅन रोहितला अल्झारी जोसेफने एलबीडब्ल्यू आऊट केले.

The post IND vs WI : विराट कोहलीने आठ धावांवर बाद होऊनही रचला इतिहास; सचिनला मागे टाकले appeared first on Loksatta.

Source link

About Admin

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …