महाराष्ट्र डिजिटल विद्यापीठासंदर्भात महत्वाची अपडेट

मुंबईतील एसएनडीटी विद्यापीठात ऑनलाइन विद्यापीठ समितीने अहवाल सादर केला. यावेळी उच्च व तंत्र शिक्षण विभागाचे प्रधान सचिव विकास चंद्र रस्तोगी उपस्थित होते. ग्रामीण भागातील आणि व्यवसाय करत शिक्षण घेणाऱ्या विद्यार्थ्यांना या विद्यापीठाच्या माध्यमातून ऑनलाइन शिक्षणाचा लाभ होणार आहे. तसेच या विद्यापीठातून रोजगारासाठी लागणारे कला व कौशल्याचे ऑनलाइन पद्धतीने प्रशिक्षण देण्यात येणार आहे.

शिक्षणात मराठी भाषेचा वापर वाढविणार, उच्च व तंत्रशिक्षण मंत्र्यांचे आश्वासन
यासाठी ग्रामीण आणि शहरी भागात शैक्षणिक केंद्रे सुरू करण्यात येतील. तसेच ‘लर्निंग मॅनेजमेंट सिस्टीम’ आणि ‘कॉम्पिटन्सी मॅनेजमेंट सिस्टीम’चा उपयोग करून विद्यार्थ्यांची शैक्षणिक गुणवत्ता तपासण्यात येईल. यातून राज्यातील उच्च शिक्षण घेणाऱ्या विद्यार्थ्यांची संख्या वाढण्यास मदत होईल, अशी माहिती पाटील यांनी दिली.

माध्यमिक शिक्षण पूर्ण झाल्यानंतर अनेक विद्यार्थी उच्च शिक्षण घेऊ शकत नाहीत. अशा विद्यार्थ्यांना या विद्यापीठाच्या माध्यमातून उच्च शिक्षणाची संधी उपलब्ध होणार आहे. हे जगातील दुसरे ऑनलाइन विद्यापीठ असेल. प्रवेश प्रक्रिया, शिक्षणक्रम, परीक्षा, निकाल या सर्व गोष्टी ऑनलाइन पद्धतीने घेतल्या जातील. तसेच जगातील कोणताही विद्यार्थी या विद्यापीठात प्रवेश घेऊ शकेल, असेही पाटील यांनी नमूद केले.

‘नेट-सेटधारकांच्या प्रश्नांकडे सरकार, प्रशासनानचे दुर्लक्ष’